105 年全國語文競賽原住民族語朗讀【德固達雅語】 國小學生組 編號 1 號
Ndaan seediq mgrunge

Niqan sa kari ncbeyo, niqan kingal seediq mbserux, ini skuxul meepah, tnkaxa na lmngelung so huwa mu kesun ka mduru klaai. Mosa qnpahan na de, wano bale btunux ka sqada na, ncungil mnnangi mangal parih saan na gmeqi gamil qhuni ma gremun na. So nii de, netun mosa qnpahan na, gremun na klaali ka riduy parih denu.

Mnosa neepanh tmukuy macu ka texan, ini qbsiyaq, wada na gremun ka riduy parih di, irih na mbrinah meyah mduru sapah, qmita heya ka bubu na, “ malu bale wa, ma su ini beyo mhedu meepanh qnpahan su di, ye bale ba wada su qdeyun tmuku macu ga di! ” mesa rmengo ka bubu na. Ini tduwa cmiyuk kari bubu na ka laqi ga, “ Wada thgeluq riduy parih nii di, kika desun mu smmalu sapah hini! ” slmeyan bubu na ma rngagan na ka laqi, sai mhedu qnpahan su dungan. Kiya hari de, wada gmruus smnegul bukuy laqi na mquri neepah ka bubu ma, mosa mqiri meepah laqi na.

Nii dehuk qpahan na ka laqi ga, skruwa na so hndure mangal pariq saan na gmeqi gamil qhuni hiya ma, wada gerung riduy na pirih dungan, bino ini osa sapah ka texan nii, hmeri mangal riduy parih ma gqiyan na pusu ngungu na, ini qbsiyaq hari de wada pkkerang kana hei na ma mosa dmakil qhuni baro. Qtaan ciida we, wada mpriyux so ngungu na ka riduy parih ma mgrunge ka seediq kiya uri, Kndalax ciida ini eyah theyaq seediq di.

Kika seediq mgrunge kii we, wada dmakil puting qhuni baro, qmita bubu na mesa rmengo “ uka dungus mu ka mgseediq, srwai ku mgrunge ka yaku di. ”

105 年全國語文競賽原住民族語朗讀【德固達雅語】 國小學生組 編號 1 號
人變猴子

據說有一個游手好閒懶惰的人,他很不喜歡工作,整天都在想如何過著游手好閒的生活。每次上山工作的時候,都在農田隨便丟石塊,有時還把鋤頭故意插在樹根弄斷它,所以,只要他上山工作,幾乎都把小鋤頭握把都會弄斷。

有一次他上山去播種小米,沒有多久就把鋤頭握把弄斷了,藉此返家偷閒,他的母親就懷疑他說:「你真行,怎麼那麼快就做完工作了。你真的播種完了嗎?」。孩子很不在意的回答說:「因為鋤頭握把鬆了,所以就回來修理啊!」,母親就重修小鋤頭的把柄,修完後就再次吩咐他上山繼續完成工作。不多久,母親也跟隨他的兒子往田裡去,並偷窺他兒子工作。

兒子一到田裡,一樣又把鋤頭往樹根那裡鋤,小鋤頭的把柄又斷了,但這次他沒有回家,而是把斷掉的木柄塞進自己的尾椎,沒多久就抖著抖著,爬上樹上。這時候就看到那個木柄變成了毛茸茸的猴子尾巴,然後他變成了一隻猴子,從此遠離了人類。

當變成猴子的人爬到高處,看見母親說:「我確實沒有能力作為一個人類,請允許我成為猴子。」

 

文章資訊
文章年度105
文章編號1
文章組別國小
文章語別德固達雅語
族語標題Ndaan seediq mgrunge
漢語標題人變猴子
文章作者曾珍美
漢語摘要