105 年全國語文競賽原住民族語朗讀【萬大泰雅語】 國中學生組 編號 1 號
Walis lu huṟil

sa’ing ka huil rinanga’ ni’Walis. Popo lu Pisa, yaba’ lu takokuw ka Pisa, yuyuk ci katuhuṟ ka Popo. nah na inaras ci kaca ka Pisa, mahikang ci maukat. siingkux matox ni Walis! kugehan ka kumis ni ga, wah! talagay la lumi’ ni. paspun utux hi’. ye wal hai’ makamagal rex magal ci lumi’ hi’ ni ka Walis. maku umalu’ matox ka Walis. matu ingkaalan la, wal! wal! nabkis hai’ ka Pisa la. mung caung ci ke’ ka Pisa. ba’ gumawah ci a’alu’ ui.

ramas la tunux ka Pisa, sungsung, salahaw ci paxpax ka ulule’, mutung ci paxpax ka ule’ ga, ma’as mastail muut ci paxpax ka Pisa. kani ka papuut ci ana’ wa! maka ci’uli’ matox lu mase’. ungat kora’ ka kumis ngawa’ ni cinlingan na paxpax. ana yonani ga, ini’ bah ma’ilang pari’ ci paxpax ka Pisa. usa’ mabel la! sun ni Walis, as tatalang musa’ mabel.

micuw, wal ! wal ! kisli’ ni Walis ka Pisa la. sasan musa’ mumaah ka Walis, ini’ tehuk moow naga, bale’ nel taxan matatama’ tu’uy mana’ Walisan ka Pisa. non ni nanu’ moh morow ka Walis, gow ! gow ! ma matiboli’ mingaru’, lu mastaṟil tuspa’ maska’uruk Walisan. maku’ mahnuk ka lilungan matox hiyan ka Walis.

Popo, lalabu’ ci katuhuṟ, bale’ masinhayuw la papaskakiy ni. icaki inbelan. hinaang ka rengwa’ na moow, gunluw mawas malawa’ ci tanmoow. utux rex na malahngan, ye muxal na amol ka Popo ? mingau’ manorow raxal, maku’ ini’ kani’ ci mami’ matox ka Walis, hicolun ta’ la? yonani’ mingau’ ka Popo hani ? as beta’ ci linlungan mu ka papingau’ ni’ maka Walis. kani ga, rasun naha paktox ci ising ka Popo, ya wal hari’ utux buating mastaha, bale’ ka Popo la, ma’as mase’ matox ka Walis, utux ci halan paktox ising wa ma! kani ka nel sababale’ micuw la. matox ci huil Pisa lu Popo ka walis, yotas la sase’ ni. yona wal as hiang nanu kaṟal bawi’.

105 年全國語文競賽原住民族語朗讀【萬大泰雅語】 國中學生組 編號 1 號
Walis與狗

Walis養了二隻狗,PopoPisaPisa長得高又胖,Popo長得矮又肥。Walis說:記得當時把Pisa帶回來那時候牠看起來好可憐! Walis大約花了五天的時間,才把Pisa弄得又乾淨又香。時間也過的真快!六年過去了,Pisa也漸漸地老了。

牠很聰明,Pisa總是追著鞭炮將它給熄滅,看見的人都說:「這不就是消防員嗎!」大家都笑得合不攏嘴,Pisa玩到樂此不疲。如今Walis更視Pisa為寶貝,每一天,Walis要出門上班,Pisa總是看著主人離去。下班時也在路口等,一看見Walis,便搖著尾巴並要Walis抱抱牠。

說到Popo,矮又胖,動作非常地緩慢!牠總是在睡覺。電話鈴聲響,Popo也跟著叫,彷彿提醒著主人趕快接電話。有一天晚上,Popo不知怎麼了?突然在地板上滾,而且叫的很痛苦。Walis看了非常心疼,飯也吃不下,於是家人帶著Popo,立即出發到獸醫院檢查治療。大約過了一個多月,Popo好像痊瘉了,Walis看著他心愛的狗,大聲地笑著,他的笑聲彷彿也劃過了天際!

文章資訊
文章年度105
文章編號1
文章組別國中
文章語別萬大泰雅語
族語標題Walis lu huṟil
漢語標題Walis與狗
文章作者張美花
漢語摘要