106 年全國語文競賽原住民族語朗讀【德固達雅語】 國中學生組 編號 4 號
Alang ma rmigo

Kndkilan ta saya de, ini pntena daha ka cbeyo di. Cbeyo hayan we ita Seediq ka mosa ta rmigo alang pngerah ma mosa ta msange alang ani ninu, kmbrinah seediq alang iicil ka meyah rmigo alang ta ka saya di. Uxe duri we, ani seediq mpneyah Telu Tairiku, Tanah Tunux, Dame Doriq ma kana seediq laalang nniinu ka uxe ta, gnklaan meyah rmigo alang ta hini.

Saya de ani naq alang seediq ini pntena klegan nyahan, ini pntena kari ma ini pntena Gaya, nii ta mggaluk ma mtbale kana ta saya di, seediq daha ka seediq we, ga kndudul msdaling ka nyahan ta. So ba kntheya ga nniqan Dame Doriq nii, netun ta taapa sapah skiya mosa alang nniqan na, yaani bale maha kingal, daha rabi tnqiyan de, dehuk ta alang daha di, ririh so kntheya bale hayan, ma so hari gaga msdalina alang daya dungal. Bale nanaq ka saya duri, knkingal nyahan daha rmigo alang ta ka seediq mprigo nii we, smiling qyqeya dooyun rudan ta cbeyo ma mkmaruy duri. So ka pala tninun ta, lukus snalu daha lukus rudan cbeyo ma uuqun na rudan ta cbeyo… knii.

Niqan ka lnlungan daha mkmeyah smluhe dmoi tminun pala, suupu muuyas uyas ma kmeeki, mtheyaq kndesan alang ma mekan uuqun hnprayan ta… knii. Knxalan saya, so nii asi eyah remux alang ta ka seediq kaalang we, maha uxe ba dhekun lmngelung drudan ta cbeyo, ani so nii we, wada naq ka kiya di.

So qrasun bale ka seediq meyah rmigo alang ma sdngiyun ta, huwa ta kesun pgkela ita nSeediq ka dheya, maanu ka pgklaun ta dheya? Dungan duri we, huwa ta kesun pqita ita nSeediq ka dheya nii, maanu ka spgela spruun ta qmita Gaya ma kdusan ta dheya nii? Asi ta naq spuun lmngelung ma stgesa ta dheya, yami kesun namu ka Seediq Bale!

106 年全國語文競賽原住民族語朗讀【德固達雅語】 國中學生組 編號 4 號
部落與觀光

今日的部落生態已不同往昔,以往居住在部落的族人會到城市觀光或國外旅遊,如今是部落以外的人來到部落觀光,甚至有來自其他國家的人。

不同種族或不同習俗的國家,已建立多元族群關係且和平相處,人與人之間的往來變得更加緊密;原本很遙遠的地方,現在卻好像在山頭另一邊的部落的感覺。

觀光客到部落觀光,會尋問過去先祖所使用的生活用具,並且想要購買;諸如織品、傳統服飾、傳統食物等。並想要體驗織布、體驗歌舞活動、體驗部落的生活以及傳統的美食料理等等。

任由外族直接進入部落,是祖先無法想像的事,話雖是如此,那也是過往的事。

如今在我們帶給觀光客歡樂與他們結為朋友同時,我們該如何讓他們知道什麼?又該如何讓他們學習尊重我們的生活與文化?這是我們應該要共同思考並告訴他們,我們是賽德克族!

文章資訊
文章年度106
文章編號4
文章組別國中
文章語別德固達雅語
族語標題Alang ma rmigo
漢語標題部落與觀光
文章作者曾珍美
漢語摘要