106 年全國語文競賽原住民族語朗讀【東排灣語】 國中學生組 編號 2 號
masalut

ka sicuayan a tja kakudan, numakakiivaqu izua tja sinan pazangal a palisiyan, mavan azua masalut. pumaljimalji tua tja cemas ti tjagaraus, satjekana pulami puvaqu tua tja sikavaljut aya patarevan nuaicu a pupalisiyan. 

nu sangasangasan a qadau, nu masalusalut a i qinaljan, kayumaq a taqaljaqaljan a mapuljat, sa qavaqavai, sa culjuculju. nu kaljasalutan na venaua tacekeceljan, mare kivalavala itjen, nu izua mangetjez i tjanuitjen, tja patekelan ta vinaua pinikak, tja sikit tja qavai a pasedjalu.

nu sikamusalj a qadau, pumaljimalji, kisukup ta cemas, patjevuta tua kavaquan, nukemesa ikamaqati sedjelj a kavaquan, ta teveljen a sicaviljan a kinivaqu. nuikatjen a pasusu pinaka palisi aya ramaljemaljeng. izua tulu na ramaljemaljeng tu penaula itjen tua tja lami a vaqu, aicua kemasi ta temugut patje kivaqu, tja kinamagaljuan aya! lja kinaluljayan, kinazengezengan aravac! aicua tja lami sinan vaqu a tja sinan pazangal a kemasicuway. tazua pipaljing a patjavang tua kavaquan, vutjulj, qavai, vaua. mangtjez a malada a kemapalisi a semanenanguq tua tja cavilj.

nu djemaljun ta kaljasalutan a qadaw, papuljiva a uqaljaqaljai ta mareka sudju, tiyamadju a uqaljaqalay, qemuyulj ta sasanguaqan saka mezua si pecungu a kasiu, sa satjezi a pasa tua na sudju a umaq, aicu a namaitucu sini pakacadja a pakeljang tua tjenglayan. aza sinatjezan a vavayavayan, tiamadju a matjaljaljak izua cinavu a sipavalet tua kiljivakan na sudjusudju. aza sikaizua nusa papuljiva nu kaljasalutan, mavanaza sinipapiayan tua sudjusudju a vavayavayan, izua tjaparekiljivaljivak tjaparepaqaljaqaljay!

nu sika masantjelulj a qadau, a uqaljaqaljay a vavayavayan ikapumaya tu vuluvulung tu kakedriyan. savid a na kipaqulid a mitung a kialalang tua kinacalisianan! maqepuqepu itua na mazazangiljan a kasasavan, parutavatavak a masasenay a maqacuvucuvung. tazua nu zemiyaziyan i katuruvuan, izua mazazangiljan, izua kalayngan a papapilipiliq tua tjalja valeljeveljan a vavayan. kitekelan a pakata langalj. aicua namaitucu a kakudan nu masalusalut paseketj aya, na temalidu aravac!

nu sika masan simatjelj a qadau, aza malada penaljing a kemapalisi uta, lja kiqaung kisukup tua cemas a papuluqem, tu na suljivat itjen a taqaljaqaljan.

nu sikalimalj anga qadau, vilivililjan anga mavesuang aya, tazua maqati anga qemaljup, maqati anga qemuma. patagilj anga uta vaquan a cavilj.

 

106 年全國語文競賽原住民族語朗讀【東排灣語】 國中學生組 編號 2 號
收穫祭

以前的傳統生活,每年小米收成之後,為慶祝豐收以及酬謝祖靈眷顧,將舉行盛大的祭典,我們稱收穫祭。

頭一天,部落家家戶戶都忙著包小米糕或殺豬。每到收穫祭,家家都會釀酒,大家互相拜訪道賀,有客人到家就敬小米酒,切點年糕招待來訪的親友。收穫祭所有祭祀及活動就開始了。

第二天,是祭小米謝神的日子,而剛收成的小米,還不能直接煮,必須和舊小米混著煮,不然必遭天譴!長輩告知我們,要珍惜得來不易的糧食,然後各家都要擺上供品祭神,由女祭司到每一家作法祈福。

這中間會進行很特別的「送情柴活動」,未婚的男子選優質又耐燒的木柴,捆綁起來,送到自己心儀的女生家裡傳達情意!女生家裡會以小米粽回贈那些送情柴的男生表示禮意!真是很有人情味的習俗呢!

第三天,男男女女不分老少大家盛裝打扮,聚集在頭目家的廣場即興做詩、唱歌跳舞。廣場的大人們都期待著,會是哪家榮獲今年的最佳美少女,選出後與頭目用連杯共飲,一連串的活動真是精采!

第四天,女祭司會到每一家作法祈福,祈求部落族人平安健康。 

第五天,收穫祭的禁忌已經解除,可以打獵及外出耕作,新的一年又開始。

文章資訊
文章年度106
文章編號2
文章組別國中
文章語別東排灣語
族語標題masalut
漢語標題收穫祭
文章作者高光良
漢語摘要