106 年全國語文競賽原住民族語朗讀【拉阿魯哇語】 國小學生組 編號 1 號
sia’ʉ’ʉraisamana ina’a

upiainicaihli mualualu akuisa alukavilaua ina’a nua ama’ana, marapihlicu liuhlusiaiapʉ siangusipi aruamia hlamu nua hlimilavaʉna, musa kana’ana maramaiatuhluhlu macarʉmʉ, takulangʉlangʉ kani’i taiarana, kucuamu muriainaina iavavacangʉ miaʉlʉsʉ hla arupakakari, ina’a akuisa kunaparamaiatuhluhlu macarʉmʉ mualualuia, marapihlia kana’ana ihlahlamusasua muriturua musaumuhlivahlituku cucu’u, hlimahlasʉngʉsʉngʉaku ama’ana, tiaraisa paumamainicu, alukavilauma na ina’a, kuimairahlu umaupangʉ ihlahlamu?

akukumainimana kuacahlia, hlatumuaku umarucarucakʉ ama’a, pahluaiailia ku pacʉpʉcʉpʉngʉ, macihla uka’a kana’ana ia, hla uka’a ku, uka’aku tiaraisa tuahlʉmana musiri kani’i sasaruanana, arataisarumahlaʉ, inicikia ku takuacahlia hliparapihlaisa ama’a nua ina’ana alukavilau, auninia ku pavalʉmacuisa hla taiara, mʉmʉa ina’ana kupitʉkʉmi’arahla sʉ, tumuaku tʉtʉrʉ umahliakua ukakakua, kuparapihli kani’ina tipusa.

maniki angahliaku macahliacu minisaʉ, kuna ku hlikumita ina’ana hlitumangi, hla macahlia ku lʉʉ ina’ana ia sapailia umalʉmʉsa, pasalangʉlangʉa ina’a taku’ ’iarʉ kamʉcʉmanai pipasamia uumuka uka’a, takulavaʉ kupipasamia mahlukua vahlita miivu, marapihlia kana’ana kupalatakuliacʉ tʉkʉhlamu, ahli’aimau kuna hlimaaru ahliacuvungahla mu kihlahlamu hlicalivaisa, muruahlʉ maci marapihli siaiapʉhlamu, hlatumuaku mʉmʉa pasamanganʉ tumalʉlʉvʉ ina’ana.

hlikihlahlamu ihlakua ina’ana, mavacangʉmanakai maruaku mana nua hlimilavaʉna pulaʉvaisana, inicikia kana’ana kuialala, marapihli ihlaku nua hlimilavaʉ manikilangʉlangʉa taiara arumukaʉ, kumita ihlahlamu ucani aari ucani aari araisa, masasangaricua kana’ana. tuahlʉaku tumalʉlʉvʉ ina’a maivutʉraʉ. piahlungu tikuru. taraʉnʉ takupihli hla maiatuhluhlu hlimilavaʉ, puavahlia ina’a ihlaku mavacangʉ akuamui ahlalua ahlaina.

hlipasamanganicua ina’ana marapihli ihlaku, miunguariari kuaku’aimanai tuahlʉ apuailisana, hlakuaku tuvarʉʉ paisasukasʉ hlitakulangʉlangʉisa ina’ana, pasamanganʉaku umiiapʉ, maracani pihlitapusahla cucu’u malitʉnʉlʉisana.

106 年全國語文競賽原住民族語朗讀【拉阿魯哇語】 國小學生組 編號 1 號
謝謝媽媽

幾年前媽媽和爸爸離婚了,為了我和弟弟的學費及生活費開支,她從事「護士」這份辛苦的工作,這份工作讓我們母子沒辦法好好相處、談天。在媽媽還沒有當護士以前,她為了我們兄弟倆,還向別人借錢。我曾經討厭過爸爸,為什麼生了孩子,還要跟媽媽離婚不是應該要扶養我們嗎

我小時候不懂事,一直想罵父親,現在回頭想想,如果沒有他,我就無法存在,我不存在又怎麼可能站在這個世界上呢長大後,我才知道爸媽離婚的來龍去脈,我又怎麼改變得了事實呢連媽媽都不引以為苦,我也一定要向前邁進,不能因此跌落谷底。

雖然從我有印象以來,都沒有看過媽媽哭,但我知道媽媽的眼淚是往肚子裡流的。媽媽的工作辛苦到沒有時間吃飯,甚至忙到連上廁所的時間都沒有,她為了不讓我們擔心,從來不曾在我們面前說過以前的事情,怕影響到我們的課業,也很希望能助媽媽一臂之力。

媽媽曾對我說過,還好有我跟弟弟的陪伴,她才不孤單,為了我和弟弟,再辛苦的工作也願意,看著我們一天一天的長大,他就很欣慰了。現在我能幫媽媽掃地、收衣服、洗碗及照顧弟弟,媽媽常誇獎我是好姐姐,媽媽對我的付出,我可能一輩子都還不清,我不能辜負媽媽的苦心,一定要用功讀書,做個有用的人來報答她。

文章資訊
文章年度106
文章編號1
文章組別國小
文章語別拉阿魯哇語
族語標題sia’ʉ’ʉraisamana ina’a
漢語標題謝謝媽媽
文章作者游仁貴
漢語摘要