106 年全國語文競賽原住民族語朗讀【都達語】 國小學生組 編號 1 號
Sediq mgrungay

Cbiyaw, niqan kal kari sa, Niqan kingal sediq sa mbsuruh balay, ini bay skuxul qnpah, knttu naq lnglung sa huya ta sow naq snbruhan kddiyax.

Musa qpahan pnpah kddiyax ciida o, uhay nhmuc qmada btunuh do, kiya ka mnsun na pquri qamil qhuni kmari ka parih na kiya ka maku tbutun ka hukuc parih na da. Kiya ka musa qpahan qnpah do, qulung na bay pktulan na ka hukuc parih na.

Niqan kingal diyax sa, musa qnpah na phuma rhak macu, ini qbsiyaq do wada na tbtulan ka parih na da, kiya ka mbrinah sapah iyuh mbsuruh saph na, kiya ka mita hiya ka bubu na sa, “ manu su mbiyax bay hay, ma su ini biyaw mhdu qpahan su. Ya su mnduwa bay mhdu da hug! ” ini sow kddma knciyuk kari bubu na ka laqi ka sa, “ ado ini tkray bay hukuc parih ka, kiya ku miyah smalu sapah han. ” , kiya slmaan bubu na dungan ka hukuc parih ka, mhdu smalu do, rngawan na dungan ka laqi na, hay mhdu ka qpahun su sa. Ini qbsiyaq do, snuul laqi na quri qpahan ka bubu na, mi musa mqiri qnpah laqi na.

Nii dhuq qnpahan ka laqi na do, kiya na naq sow kiya pquri na gamil qhuni Kmari ka parih na Dungan, binaw ini knmusa sapah niya da, asi na pquri naq briq quti na cmuki ka hukuc parih ka, ini qbsiyaq do kiya pkkrang hiyi na mi wada mkala qhuni da. Kiya ka qtan o, wada mpriuh sow ngungu rungay ka hukuc parih ka da, mi wada mgrungay da, kiya ka ini thuy ssediq da.

Kiya ka sediq mgrungay ka do wada mkala baraw, mita bubu na rmngaw sa, “ uka ku biyax mgsediq ka yaku, dai ku srway mgrungay ka yaku da. ”

106 年全國語文競賽原住民族語朗讀【都達語】 國小學生組 編號 1 號
人變猴子

從前據說有一個游手好閒懶惰的人,他很不喜歡工作,整天都在想如何過著游手好閒的生活。

每次上山工作的時候,都在農田隨便丟石塊,有時還把鋤頭故意插在樹根弄斷它,所以,只要它上山工作,幾乎都把小鋤頭把柄都會弄斷。

有一次它上山去撒小米種子,沒有多久就把小鋤頭弄斷了,藉此返家偷閒,他的母親就懷疑他說:「你真行,怎麼那麼快就做完工作了。你真的播種完了嗎?」。孩子很不在意的回答說:「因為小鋤頭太鬆了,所以就回來修理啊!」,母親就重修小鋤頭的把柄,修完後就再次吩咐他上山繼續完成工作。不多久,母親也跟隨他的兒子往田裡去,並偷窺他兒子工作。

兒子一到田裡,一樣又把鋤頭往樹根那裡鋤,小鋤頭的把柄又斷了,但這次他沒有回家,而是把斷掉的木柄塞進自己的肛門,沒多久就抖著抖著,爬上樹上。這時候就看到那個一把柄變成了毛茸茸的猴子尾巴,他變成了一隻猴子,從此遠離了人類。

當變成猴子的人爬到高處,看見母親說:「我確實沒有能力作為一個人類,請允許我成為猴子。」

文章資訊
文章年度106
文章編號1
文章組別國小
文章語別都達語
族語標題Sediq mgrungay
漢語標題人變猴子
文章作者伊萬納威
漢語摘要