106 年全國語文競賽原住民族語朗讀【德路固語】 高中學生組 編號 2 號
Kndusan knxalan sayang

Kndusan sayang o ida wada kpriyux paru bi da, kana ka ana manu. Paru bi ini ktna ka kndusan sayang ni seuxal. Quri Saw lnglungan seejiq babaw dxgal ksun ga, yabi mntru hari hngkwasan do uxay uri o rima hari hngkwasan do o, ida wada mdudul ka knpryuxan na ni ini ktna da. Niqan kingal ka patas “ priyux ” msa ka hangan patas nii, ida balay bi ini kpriyux ka elug kari uuda ksun.

Angal ta kingal quri kari uuqun, rmngaw kndusan seejiq babaw dxgal hini sayang. Yasa seuxal o mhuma cicih sari ni bunga han, rahuq na do musa miying uuqun bbuyu da. Ida ini suqi mangal egu uqunxal wah! Mtuku uqun tnsapah do mqaras da ini sliq uqun, yasa niqan bi lnglungan dha ka seejiq sexual. Ini huma ni ini tabug ana manu uri ka sexual, yasa mttuku bi ka uuqun siida.

Manu ka sayang dga nii prana bi smalu egu klgan phmaun ni kana tbugun da. Ana manu uuqun, mmahun ni djiyun o ida mttuku bi kana da, ungac ka ini dhqi smmalu, msblaiq ni mtngi bi meekan ana manu ka sjiqun. Ana bi rabang knsuyang ka kndusan knxalan sayang da.

Kiya ni rngaw ta quri saw lkusun lukus rudan seuxal, ida baka nanaq hiya ka lkusun lukus tnsapah, ungac ka sngari na. Manu ka sayang do maku ksyangan knklgan ka snaluy ni pnspingan o ini hari snqlingi dmuuy ni wada mrana bi knpriyux kdjiyax ka lkusun seejiq da.

 Quri saw nniqan knklgan spsapah o paru, llabang ni mgdhug bi, ini kiisug bgihur pari ni runug. Kana ka tqiyan, hpuyan, samaw, qsiya… ana manu djiyun kska sapah o mttuku bi uri. Rahuq na hiya o saw ka quri hbangan, elug paru, ttgsa, qqpahun klwaan ni alang, sqlahang qsahur ni qbubur, knsyangan smnlaan qyqaya….Ida wada mdudul kpriyux paru ni psgblaiq mudus babaw dxgal seejiq sayang.

Kiya ka kiya ni ana saw nii mgblaiq bi babaw dxgal sayang ka seejiq o, ida nii mrana egu bi mquri naqih uri ka kndusan, uxay ka malu bi kana. Saw sqian pusa sahu ka dxgal, ana manu ka uuqun seejiq, ana manu mqraqil mnarux o nii mdudul smriyu kana uri da. Sqian mhhraw qnbliqan lipax kndusan knxalan seejiq do rinah mrana qnnaqih ka lnglungan seejiq uri, empeungac ka ksun balay bi seejiq da. Naka ta bi knbiyax mseupu pskingal bi lnglungan, psbrinah lmnglung mnduwa muda kana duri. Saw musa mseupu bi muudus ni msblaiq mniq babaw dxgal ka ana ima.

106 年全國語文競賽原住民族語朗讀【德路固語】 高中學生組 編號 2 號
現代生活

現代的生活一切都劇變,過去與現代的生活大不同。如人的思想觀念每隔三或五年就慢慢增大改變而不同,就如「變」這一字詞正是如今不變的真理法則。

譬如從現代世人飲食生活上來說,傳統生活除了種些地瓜芋頭外隨意至野外採集任何動植物等食物就很高興了,不另再種植或飼養,一切都很足夠。而現代正擴大變造各類作物和養殖畜牧類的食物。各種飲食應有盡有,充足有餘。使現代人大享口福。

過去的服飾不充裕,現代則有各類精美之服裝和裝飾物享用不完;寬大堅固的房屋不怕颱風地震;所有室內水電臥室餐廳用具等都齊全;人生在世各有關經濟、交通、教育、政治、社會、衛生、科技等等的改變,促使大大的改變全體世人而度過幸福美滿的生活。

但是雖有這樣的幸福生活,也有很多負面的部分。如土地過度使用肥料或用在人的飲食等甚麼災難毛病也出現了。人類過度追求外在的物資享受時,人的內心惡念也漸多。理當努力專心反省,好好的去做,願在世能共存共榮。

文章資訊
文章年度106
文章編號2
文章組別高中
文章語別德路固語
族語標題Kndusan knxalan sayang
漢語標題現代生活
文章作者楊盛凃
漢語摘要