106 年全國語文競賽原住民族語朗讀【丹群布農語】 國中學生組 編號 2 號
Katu Mapusaksak Bazbaz

Haiza dau qabasang dadusa mapusasaksak tu bunun, tatini a bananaz, tatini a binanau-az. Minkahasul dau aingka tamakasu ki bunun. 

Haiza tu tas-a qanian, munhaan aingka Diqanin makisaiv i sintauqumis. Kahaanin diqanin hilav a, tupa dau ka sasaipuk hilava tu, “Simaq muu na kilimun? Malka maaq amu mun-iti?” Antalamun dau naita tu, “Na siza ki sintuqumis i Diqanin.” Tuza dau ka sasaipuk hilava mungkunbu suku ki diqanin siza sinsaiv Diqanin tu sintauqumis. 

Maaq dau ka mapusasaksak bununa inata luluklas i sasaipuk hilav ta tu “ Kavavaa!” Asaun intaa makusia inaita qalinga mapuliva isiata is-aang. Miliskin dau aingka tu lauqu na siliva aipa mastaan masihal tu sintuqummis masaiv intaa.

Tuza dau tu minsama-az a sasaipuk hilava, silalivaun istaa ka biqi siin kaunul siza. saduan istaa ka, na musuqais mahuvaiv siza ki i mamantuk tu sinsaiv, amuqus tinsukuin dau ka suku diqanina.

Tupa dau ka sasaipuk hilava tu, “Silalivauk muu a sintuqumis Diqanin siza.” Tinsuu dau ka mapusasaksak bununa antalam tu, “Tupa dau ka Diqanina zami tu, ’nitu kua siza ki sinsasaiv sasaipuk hilav bunun ta.” Katupa dau aingka tu na sia istaa masihal tu sisasaiv silalivaun siza, situhnuun intaa ka biqi siin kunula siza, a maisnadiip aingka mudaan.

Kamimisqang haan daan a, mavia dau ka binanau-az a tu talbiqian a qaungqaung, maaq dau ka bananaza a, tangkaunulan a kaav bungu. Na suqaisun intaa ka siniza intaa tu biqi siin kunula a. Tupa dau ka sasaipuk hilav tu bunun tu, “Aupa pinsama-azun aak muu, silaluan amu zaku tupa tu nitu kua siza ki muliva tu sinsaiv. Masu’nuq daingaz a Diqanin tan-a a, sukudan Istaa ka hilav sukua. Tupa dau tu” Paimuavin a biqi siin kunul un!”

106 年全國語文競賽原住民族語朗讀【丹群布農語】 國中學生組 編號 2 號
勿誑騙撒謊

從前有兩個騙子,一男一女,他們同夥欺騙人們。

有一天,他們到天神那裏求賞。他們到了天的門那裡,看門的就問:「你們要找誰?來做啥?」他們回答說:「要取天神給的祝福。」看門的就進入天的府庫拿賞物。

那兩個騙子在門外不停地嚷嚷,叫看門的動作快一點,他們想要以嚷嚷聲弄亂他的心。他們心裡想著說不定他會拿更好的贈禮給我們。

果不其然,看門的拿錯了贈禮,把脖子上的肉瘤和頭角上的凸瘤拿錯了。他看是拿錯了,要回去更換正確的贈禮,不料府庫的門關上了。

看門的對他們說:「我把你們的贈禮拿錯了。」那騙子馬上回答:「天神對我們說;沒有關係的,看門給你甚麼,就拿甚麼。」他們誤以為他拿了更好的贈禮給他們。

他們走到半路上,怎麼女子脖子上長出條狀肉瘤,男的頭角上長出凸起肉瘤。他們要把肉瘤還回去,看門的說:「因為你們讓我混亂,誑騙我說,神要你們拿我所給你們的,天神聽了發烈怒,因此把府庫的門關上了。所以呀,這脖子上的肉瘤和頭角上的肉瘤就給你們吧

文章資訊
文章年度106
文章編號2
文章組別國中
文章語別丹群布農語
族語標題Katu Mapusaksak Bazbaz
漢語標題勿誑騙撒謊
文章作者余榮德
漢語摘要