106 年全國語文競賽原住民族語朗讀【太魯閣語】 高中學生組 編號 3 號
Lubug Truku sbiyaw

Lubug Truku sbiyaw o niqan lubug qawqaw, mgagu, lubug qnawal ni lubug tatuk 4 keelgan.

Tg1 lubug qawqaw

Lubug qawqaw Truku ga ska o niqan lhpis bi btaw snalu djima ni ska na psaan lhpis bi btaw tnpaqan snalu xiluy embanah 2 keelgan, kiya o lubug qawqaw sun.

Lubug qawqaw snalu djima ka btaw na o kika prajing bi enseuxal lubug qawqaw Truku. Sbiyaw balay ka risaw ni wauwa Truku ga lmubug qawqaw empprngaw dha quri niqan lnglungan txaun ni nirih rrngaw kari txaun, kiya o lining kari aji uri o pnskaraya epprngaw. Qtaan ta paah saw nii, aji wana jiyun lmubug muda mqaras ka lubug qawqaw, plglug lnglungan rgrig, lubug jiyun quri msskuxul uri. pshnang o psaun pdhung ka lubug qawqaw ni pshngat miyuk muda lmnglug lhpis ptaw snalu djima.

Tg2 lubug tatuk

Lubug tatuk o kingal maluu bi lubug Truku, snalu qhuni sangas, prihut, qulit, byugu, plux, rbuqil, ni dgarung. Rmabang bi msleexan mripuh bhangan hnang na ka qhuni prihut, mkndux bi bhangan na ka qhuni rbuqil.

Sbiyaw balay mnniq ska dgiyaq siida ka kngkingal sapah rudan Truku o niqan lubug tatuk dha kana, qulung gbiyan mnhdu qpahun dha do tmatuk tatuk ni ptrawah lnglungan dha, kana alang o hnang lubug tatuk kana, kiya duri ni kana yyayug o mdka saw paru bi qpringan ga mseupu tmatuk lubug tatuk suyang bhangan hnang na, tmatuk lubug tatuk o kmeaguh lupung miyah mseupu mkan suyang uqun ni mseupu rmgrig.

Tg3 mgagu hadur

Mgagu hadur o snalu kulaw djima, ini tduwa psmhtun miyuk,wana djiyun miyuk mnsa mdkrang mnangal tunux ni tmgiyal miyah dhuq alang, mqaras miyuk mlatat alang ka msapuh musa smtrung msa ka kari rudan sbiyaw.

Tg4 lubug qnawal

Qcinuh ka ttmaan lubug, 4 qnwal embanah,. dmuuy snalu qhuni mdka quway sslubug, lmubug suyang bi bhangan hnang uyas Truku sbiyaw.

Qrasun bi kana ptasan tgska ni tgbilaq gaga alang Truku, emptgsa laqi o dmudug bi dduuy lubug Truku tmgsa uyas Truku sbiyaw.

106 年全國語文競賽原住民族語朗讀【太魯閣語】 高中學生組 編號 3 號
太魯閣族傳統樂器

太魯閣族人的樂器有口簧琴、縱笛俗稱獵首笛、絃琴及木琴。

1。口簧琴

有竹台竹簧片及竹台銅簧片兩種。竹台竹簧片為最原始的樂器。口簧琴乃是藉著彈動或拉動竹片,並以口的張合大小及吐吸之氣,使其產生聲音變化的古老樂器。古時太魯閣族的男女青年,常用來做為交談的工具,或用它來傳達情意,在必要場合形成密語或暗號的溝通。

2。木琴

太魯閣族獨特的樂器,製材:食茱萸、山鹽木、血桐樹等,以山鹽木打擊聲音最清脆,血桐樹的聲音最厚實。木琴的敲擊用於呼喚親友來共享美食、舞蹈伴奏以及自娛娛人。

3。縱笛(竹笛或稱直笛)

縱笛是用桂竹製作的,它是用來出草戰鬥凱旋歸來時吹奏的。耆老說當出草或戰鬥凱旋歸來,祭司由部落出來吹奏以表慶祝。

4。弦琴

用木板製作成琴板,木板兩邊釘上四根丁、再連接四條不同音符的銅線為弦,持一根木製如筷子為彈奏棒。

值得高興的是,部落裡的國中、小老師都在推動用太魯閣族的傳統樂器彈奏太魯閣族傳統音樂。

文章資訊
文章年度106
文章編號3
文章組別高中
文章語別太魯閣語
族語標題Lubug Truku sbiyaw
漢語標題太魯閣族傳統樂器
文章作者金清山
漢語摘要