105 年全國語文競賽原住民族語朗讀【賽考利克泰雅語】 國小學生組 編號 3 號
ke sinbilan na kinbkisan

gaga na kinbkisan ta sraral qaniy ga, musa ta baqun balay mlahang ini ga musa mciywaw ga? musa ta baqun uziy mciywaw na ska qalang ta ga? ana ga anay ta skahul knita ita llaqi Tayal musa mblaq lmnglung.

nyux smbil ke bnkis ta mha, “ ana su musa n’ inu, blaq mita nanak qu pinhkngyan ru laxiy yungiy qalang, buziy qu gaga qnxan ta Tayal , nyux ta sm’ utux squ bnkis uziy, nway ta nya blequn mlahang, laxiy balay yungiy sinbilan ke na kinbkisan ta.

te qutux. laxi syaqih yaba yaya, smyaqih yaba yaya ga, phugun utux na bnkis, ini kblaq mqyanux uziy, mhuqil yaba yaya lga, musa yaqih kwara tmninun qu llaqi kinbahan.

te sazing. mung ke na qbsuyan ki bnkis ga, mqas qu utux bnkis, musa su meblaq mqyanux uziy.

te cyugal. glgiy qu tuqiy qnxan ta Tayal, ini ta glgiy la ga, musa mtkari ru yaqih qnxan ta la.

te payat. laxiy apal, laxiy hmut hmeriq gaga qaniy, baha hmswa psaniq na ywaw.

te magal. laxiy quriq qqaya na squliq, kya qu mquriq qqaya squliq ga, baq mtlom ngasal ma, ini pqas utux bnkis ta uziy.

te tiyu. laxiy cqiri squliq, sm’ an utux, ini qblaq mqyanux.

te pitu. laxiy p’ abas kmayal, katun su nya huzil ru mqu, psyaqan su nya squliq uzi.

te spat. kmayal bnkis ta mha, m’ squliq balay na Tayal ga ini kngungu nnanu.

te qeru. laxiy hmut kmayal yaqih ke na squliq, phugun su nya utux na bnkis ta.

te mpuw. laxiy kyubing, yubing su squliq ga, skyubing su nha uziy. ana su musa rgyax qmalup ga, iyat su nya biqun qqsinuw utux bnkis ta.

105 年全國語文競賽原住民族語朗讀【賽考利克泰雅語】 國小學生組 編號 3 號
祖先的話

古老的泰雅倫理規範Gaga,是否還管用?Gaga精神是否太過浪漫?Gaga還存在於現代的泰雅族部落嗎?泰雅族Gaga其實就是用泰雅眼光教導泰雅族人應有的生活態度,值得我們花時間細細去品味。 

部落的耆老向族人述說:「不論你們到哪裡工作,都要對自己的行為負責。離開部落的族人,也要多思念家鄉的事物,泰雅族的傳統文化要傳承下去。不要忘記,耆老也會在部落裡祈求祖靈,保佑我們的後代子孫能夠平安順利。」千萬不可忘記祖先對我們的叮嚀與祖訓:

1、不要背逆父母。當你忤逆父母,會受祖靈責罰,讓後代子孫的生活不好;而當父母去世,遇惡靈,帶你死去。

2、要好好聽從長輩的教導。當你聽從長輩的話,祖靈得安慰,生活美滿順暢,受人尊崇。

3、我們應該要遵從泰雅族的生活,如果不遵從,我們將流離落魄,生活衰敗。

4、不要姦淫女人。當你犯姦淫,祖靈會責罰我們,造成後代子孫亂倫。這是禁忌。

5、不要偷盜別人的產業。一旦偷盜,會養成習慣。要不然,家屋會被燒,祖靈不會讓子孫生活順暢。

6、不要污辱人。當你污辱人,祖靈會責罰,不會給我們好的生活。

7、不要誇大說話。當你誇大說話,狗來咬你,蛇來咬你,會被人取笑的。

8、在祖靈庇佑鑒察裡,一個真正的男人必須忍耐,不是害怕,這是祖先傳下這麼說的。

9、不要說別人的是非。當你隨便亂講話,祖靈會懲罰,這是祖先傳下這麼說的。 

10。不要對別人小氣。當你小氣,別人也會一樣的對待你,而你去山上打獵時,祖靈也會小氣不給你收獲喔!祖先這麼交代。

文章資訊
文章年度105
文章編號3
文章組別國小
文章語別賽考利克泰雅語
族語標題ke sinbilan na kinbkisan
漢語標題祖先的話
文章作者陳和平
漢語摘要