107 年全國語文競賽原住民族語朗讀【太魯閣語】 國小學生組 編號 4 號
Dgiyaq Suyang nTruku--Dgiyaq Klbiyun

Sbiyaw balay, “ Tmpupu ” sun dha ka dgiyaq Klbiyun, gaga hiya ka paru balay qhuni, sngsagan sida ni rnabaw niya o ana jiyan mnkuung mdka keeman, niqan 1 jiyax, smriyu paah lhbun qhuni ka 1 mneudus 4 papak ubal kana hiyi na. Smriyu 1 duri mneudus o niqan bungu baraw na mdka rungut qhuni taan, paah baang na o niqan 2 gamil ni 2 sida, smriyu duri paah baraw ka 2 mneudus, mlglug lqling bbaraw ni mtduwa mksa ka 1, mtduwa skaya karat ka 1, kika samat, quyu, ni qbhni sun.

Smriyu paah baraw ka 1 o mniq qhuni baraw, smriyu paah tuma o mniq dxgal, saw nii ka kndsan samat, quyu ni qbhni.

Ana yaa smnriyu paah qhuni ka 4 klgan mneudus nii o ini pseupu, niqan 1 jiyax empprngaw ka dhiya, “ Paah sayang asaw kkeudus ta, usa smpung mkan saw uqun ta nanak ni muudus. ” mkksa.

Smriyu paah lhbun qhuni duri ka 1 snaw, smriyu paah hiyi na ka 2 laqi, 1 o snaw, 1o kuyuh, paru do maamsdungus da, mtucing 1 laqi dha, mrana paah hini ka Truku msa ka rudan Truku sbiyaw. Wada bsiyaq knxalan mkreurus mniq eneana inu ka laqi laqi dha, duma o mniq ddgiyaq, duma o mniq bbreenux, phiyug nanak bgurah sapah nniqan dha.

Niqan patas Nihung rmngaw quri pnyahan Truku sbiaw, Brah 300-400 hngkawas yaasa mrana hbaraw ka lqlaqi Truku mniq nniqan dha dxgal Nantu truwan ribaq hidaw, ini tuku ka dxgal qqpahun ni saan maduk do mnkala Dgiyaq Klbiyun mquri nklaan hidaw mtmay Dgiyaq paru miying dxgal nniqan, asaw bi pkrana dxgal nniqan ni kmlawa sapah dha, mnsuwil mkeekan ka dhiya.

Mqaras bi quri dgiyaq Klbiyun pnyahan Truku ni htngayan kana ana manu mneudus ni hmnru uqun kana mneudus gaga hiya.

Dgiyaq Klbiyun nii o ngalan Suyang Dgiyaq nTruku ksun.

107 年全國語文競賽原住民族語朗讀【太魯閣語】 國小學生組 編號 4 號
太魯閣族聖山-奇萊山

奇萊山群巍峨險峻,在古代被族人稱為『被覆蓋的山』,因被一棵大樹樹枝及葉子覆蓋,造成很大的樹陰,白天像晚上一樣黑暗。一天,出現了一個四隻毛腳的動物,又出現背上凸起如樹瘤的動物,各邊有二枝樹枝。從上面出現二種動物,一個很細又長能蠕動走路,一個能飛在空中。

這些四種動物不曾相聚過,有一天牠們談論:「從今天起我們為了生存,試著找自己適合的食物」。從樹下又出現了一個男人,從他身上生出一男一女的孩子。這二個孩子長大後就結為夫妻生下孩子。這就是太魯閣族的發祥地。

之後人數趨多,生活空間不足,逐漸分散建立新地,建立家族部落。三四百年前,祖先攀越奇萊山,族人遍布中央山脈。族人為感恩此山,充分提供族人永續生存的自然資源,而將此山定為族人永遠祭祖的聖山-奇萊山。

文章資訊
文章年度107
文章編號4
文章組別國小
文章語別太魯閣語
族語標題Dgiyaq Suyang nTruku--Dgiyaq Klbiyun
漢語標題太魯閣族聖山-奇萊山
文章作者金清山
漢語摘要