107 年全國語文競賽原住民族語朗讀【大武魯凱語】 國小學生組 編號 4 號
kiyasilape ku sakiahagai ka kiyu

yakai ku ea ku kadruwa ku takihagahagadha ka kiya, la kidremedremedreme ku akisilapa ku sakingai niya, ai, yakai inu kwani sakihagai?

yakai la nimakavala, la kagalrimegeme si nau taha mulregelrege kisilape idra malrilrigilinga ka hakasi ka luu laiya. sakela lregelrege la kitubulru, hakasi ka luu, kwani sakiahaga yakai inu? kau hakasi la tubalre: kwani saki ahagai ngyakakamani madu dwavace kisilape.

sa iya iniya kau hakasi, la pathagili kau kiya silape, papiya talrauwa, talriyuga, papudradha papulraudru pasaelre ki angatungatu, walriyugu ki mabelenge ka lregelrege, talwabalre ki drakehale, wa tangehahah cele ki angatu, papuwa lebe cele ki drakehale, pyaiya iniya ngutatiki silape pasaelre ki iniiniinunga sana ka cekele. kau kiyu mwadailinga ku tadadavaca, ai kadruwana ka kiyadringai idra sakiyahagai niya. 

sa icengecenge kasa livalrau kau kiyu, twahanau ikai ku mahalealeale ku lingau twalai angatungatu. la davace ngudadethe si cele, sika yakai ku ngyabalrutai papubebelenge ku drapale kai maka ngibalre ka cukucuku, ka yadaedae walealeale ku akipalribula. kau kiyu la kisamula palribulu bwalre ki cukucuku, kwani cukucuku kiyahahagai si kiaseasene ki kiyu, ku kidremedreme ki kiyu la pakamaesai si macicava.

la pacungulu papucucubungu dwavace, la cele ku angatu ku mavalidri ngwalai ki taku saseveha, la alra dringelrese pacegecege, si taku pudae paka papedrenge, ku kadruwa ka angipela kavalidri iniya angatu, kwani angatu la kiaseasene sumaelaela ki kiyu, ku kidremedreme ki kiyu la tuhanau kihahagai.

idra yasasana, kau kiyu latau thingale pulringalringau, lu palribula ki umase ai dulrumadu tahumaha idra patengatengaa ka sakiyahagai.

 

107 年全國語文競賽原住民族語朗讀【大武魯凱語】 國小學生組 編號 4 號
尋找快樂的羊

有隻不快樂的山羊,一直想要尋找快樂。

山羊決定去找最有智慧的貓頭鷹博士。他問:「博士,快樂到底在哪裡?」博士回答:「快樂要靠自己去尋找。」

於是,山羊就開始在森林四處尋找。牠越過高山、穿過小溪,抬頭看樹上、低頭望河裡,搜尋森林裡的每一個部落。

但是,山羊走了很久,卻仍然沒有看到快樂。

就在山羊悶悶不樂時,樹叢間突然傳出呼叫聲。牠走近一看,原來是一隻四腳朝天的烏龜翻不過身來,躺在地上大聲求救。山羊幫忙烏龜翻過身來,烏龜高興的謝謝山羊,山羊覺得心裡甜甜的,忍不住的微笑起來。

山羊繼續往前走,看到小樹被風吹歪了,牠立刻將小樹扶植,還把四周的土踩結實,好讓小樹不會在歪斜,小樹感激山羊,山羊突然覺得好高興!

這時,山羊終於明白,幫助別人就能讓自己得到真正的快樂!

文章資訊
文章年度107
文章編號4
文章組別國小
文章語別大武魯凱語
族語標題kiyasilape ku sakiahagai ka kiyu
漢語標題尋找快樂的羊
文章作者杜富菊
漢語摘要