106 年全國語文競賽原住民族語朗讀【大武魯凱語】 國小學生組 編號 3 號
angatu si ubulu

ikai angatungatu, yakai ku ea ka angatu, la savidhi ngikakakukuhu, amani sa amani ku titikiyanenga ikai ki angatungatu lakuni.

ikai ki thili ki angatu, yakai ku tikiya si matidalame ka ubulu, lu cele ki angatu ta ngelreca kadruwa ku sakiyahagai, la padhaana swasa ki angatu: nakai kasalivalrau! cela kunaku tikiyanaku, kai adravanele kadruwa ka wadaliyana ku ea ki biyasu! ai masalruaku, yakai idra vaivai ai taha kadravaku, matuma lu masiyasilangeta suwai kadrau. lakai tahathainu, kau angatu si ubulu la makakisudalru kadruwa ku vaga ku kadruwa ka adulruwa masasidruhu, la masasasa si taha kisamula suwai.

lu adhana, la mapapela ku tacelanelini ku takilalranelini, kau angatu peaelaela ki ubulu ku takabalribalritha ki emeeme subelebelenge, yakai ku manemana ku adhadhame ku ngyapalapalai, kau ubulu peaelaela ki angatu, ku atatulrale mikakuakua ku tangimiyaiya, ku bengelrai mikakuakua ku thahiha. 

langilribate ngilribate ki vaivai ki vaivai, kau angatu la cele ki ubulu hau wasuwasuwai si amaninga ku makeceecengenge ka takaubula ikai ki angatungatu, eene kadruwa ka ngyalrau ki angatu kaelrenge ai maadrau ku salrua. lu alra madu palalekete ki angatu si ubulu, kau angatu sakamiyaneana ngwalrili ki yabelenge.

la ikai ku nimakavala, wakela ku sedreke, la kainganai ku tahuadrau ku udale, kau ubulu la sudakipi sutalu ki angutu, la kai kipaukadrulu ki sasevaha. sangilribatenga kwani sedreke, si siyulriyulringa panyaniyake kwani angatungatu , kau ubulu laiyai ikai ki angatu, maesai la ikaisu, la dulrunai kilepenge ki saseveha si udale, nakaisu amani nai taha kithavagenai.

kau angatu idra yasasana la ngithathingale, eene kadruwa ka amani kwadra madradraunga maelrelrengenga ka angatu, ai yakai ku maela ku pathahethahevaneini. twalainga iniya, kadruwanga ka ngwalalanga ku takatikiyana si ngikakakukuhu, lakamani ngyathathingalenga ku takakucinga lraneini lu ikainu.

106 年全國語文競賽原住民族語朗讀【大武魯凱語】 國小學生組 編號 3 號
小樹與小草

森林裡有一顆樹,一直很自卑,因為他是森林中最矮小的一棵樹。

小樹旁邊有一株可愛的小草,他看小樹整天悶悶不樂,常常安慰小樹:「你不要難過嗎你看我這麼小,還沒有你一片葉子大呢可是我相信,有一天我也會長大,你可以和我一起成長啊!」小樹和小草很快就成為無話不談的好朋友,互相勉勵、努力成長。

他們每天交換彼此的所見所聞,小樹告訴小草天空白雲的變化,有什麼鳥在飛翔;小草則告訴小樹,蚯蚓先生長什麼樣子,花小姐是多麼美麗。

日子一天一天的過去了小樹看見小草日益茁壯,漸漸成為森林裡最強壯、最有韌性的小草,她雖然無法像小樹一樣高,卻很有自信。相較之下,小樹還是常常怨天尤人,抱怨自己為什麼老是長不高。

有一天,颱風來了,颳大風,下大雨,小草緊緊依附在小樹旁邊,才沒有被狂風暴雨擊倒。風雨過後。森林有恢復了生機,小草跟小樹說:幸虧有你為我們遮風避雨,不然我們一定貝風吹走。 

小樹這時才發現,自己雖然不是一棵高大的樹,卻也有用處。從此之後,他不再為自己不是一棵最高的樹而自卑了,因為他已經知道自己的用處在哪裡了。

文章資訊
文章年度106
文章編號3
文章組別國小
文章語別大武魯凱語
族語標題angatu si ubulu
漢語標題小樹與小草
文章作者杜富菊
漢語摘要