107 年全國語文競賽原住民族語朗讀【德路固語】 國小學生組 編號 3 號
Sapah pyasan(ptasan)

Sapah pyasan(ptasan) sun o kika saan ta smluhay ana manu. Duma sapah pyasan(ptasan) o gaga daya dgiyaq, duma o gaga ssiyaw gsilung ni gaga alang paru brnux, ana inu qulung bi niqan sapah pyasan ka sayang.

Sapah pyasan(ptasan) niqan egu(lala) balay tduwa slhayan ni hrpasan uri. Niqan egu(lala) klgan qhuni gaga hmaan ruwan sapah pyasan(ptasan) hiya, saw ka qhuni harung, qhuni qowlic(t), qhuni dara ni qhuni raus uri, malu balay qtaan, malu balay sknxan ka bgihur na. Kiya ni kuxul bi yahan meuyas(matas )lqlaqi ni tmalang mbiyax ni mkksa rdrudan kdjiyax ka sapah pyasan(ptasan).

Sapah pyasan(ptasan) niqan empqlahang, niqan emptgsa, niqan laqi empuyas(empatas), niqan ka empkaraw ni empshada uqun uri. Gaga mseupu sapah pyasan(ptasan) kana, ida niqan nanaq(k) kngkingal euda dha. Emptgsa niqan egu(lala) klgan seejiq, niqan ka Seejiq Balay, niqan ka Bunun, niqan ka Klmukan ni Khilang ni Tlu uri. Dhiya o ida mdrumuc(t) bi tmgsa ni smgealu balay lqlaqi empuyas(empatas).

Sayang egu(lala) balay ka slhayun saan sapah pyasan(ptasan), saw ka smluhay meuyas(matas) patas, smluhay meuyas uyas ni rmgrig ni rmisuh patas, smluhay gygaya qpruhan sapah pyasan(ptasan), kika ksun “malu seejiq ni endaan ”. Duri ni uxay wana dnii ka slhayun lqlaqi empatas sayang, smluhay kari ta nanaq(k) Seejiq ni knkla ni gaya rdrudan sbiyaw uri. 

Yaku ga malu bi utux mu, niqan ku kingal mdudug bi mnan pusu empqlahang sapah pyasan(ptasan), hiya rmngaw bi mnan kjiyax “ Malu bi qbhangan ka hnang kari rdrudan Seejiq Balay, kbyaxi smluhay, iya bi lxani smluhay ha. Yasa gaga ruwan hiya kana ka knkla rdrudan sbiyaw, kiya ni sayang do ana nanaq(k) sapah pyasan(ptasan) alang daya dgiyaq, ana nanaq(k) sapah pyasan(ptasan) alang paru brnux, qulung pniqan ka saan smluhay kari Seejiq balay, kari Bunun ni kari Tayal uri, niqan ka slhayan kari klmukan ni kari khilang urii.

Kiya ni yaku sayang ga kuxul mu bi ka sapah pyasan(ptasan) mu, spruun mu bi ka pusu empqlahng ni kana ka emptgsa uri. Mqaras ku bi tuhuy lqlaqi empatas musa sapah pyasan kdjiyax.

 

107 年全國語文競賽原住民族語朗讀【德路固語】 國小學生組 編號 3 號
學校

學校是我們學習事物的地方。有的座落在山上,有的在海邊或都市。

學校有很多學習的地方和遊戲區,種植很多樹木,如松樹、杉木、楓樹與青剛櫟,非常美麗。學生可以來上課、年輕人來跑步、老年人來散步。

學校有校長、教師、學生、工友,還有廚師,每個人都有自己的任務。教師有多族群,有賽德克族、布農族和漢人。

要學習的東西有很多,譬如讀書寫字、學習唱歌跳舞、畫畫,學習團體規範,才能懂得「做人、做事」的道理,還要學習自己的族語和傳統文化。

我有一位積極推動族語的校長,他說:「祖先的聲音很好聽,要認真學好,因為祖先的智慧深藏在語言裡。」不論是山上或都會區的學校,都有開賽德克語、布農語、泰雅語班,還有學習閩南語及客家語。我很高興可以去上學。

文章資訊
文章年度107
文章編號3
文章組別國小
文章語別德路固語
族語標題Sapah pyasan(ptasan)
漢語標題學校
文章作者詹素娥
漢語摘要