105 年全國語文競賽原住民族語朗讀【雅美語】 國小學生組 編號 2 號
kanen do pivatvatekan

no ya mapakzikzing rana do mararaw am, yongkad rana no kakan do pivatvatekan. sira rakrakeh a mavakes aka no mehakay am, da na isdep do sahad o kanen aka no yakan. no ya angnoen o nipasisit a yakan am, ya akmi to ji absoy rana o velek. no teyka nisaray rana do seyvo aka no sinsi aka no nimanotong a tao am, ciawang aka no sosopit aka no miyop so asoy o mamizing do sahad no pivatvatekan, teyka koman am mian pa so asi no kayo a ipamazas.

ya miciataretarek do araraw o kankanen do pivatvatekan, no tomakatakaw am koman so mogis, no tomakatakaw am koman so soba aka no nipasisit a kanen. o yakan am mian so yasay aka no among aka no viniay aka no lipao aka no icioy.

asi no kayo am mian so somon aka no vizaoz aka no vazacinok aka no vineveh. ya teyapia o kanekanen do pivatvatekan siciaikoa ya, so ya da ikakeykai a tomaodtod no kakanakan, ikadoa na am, da na katenngan o ya da sarayan no ariarilow no seyvo jira.

no si to da zavata no seyvo o ka ji da rana sidongan so kanakan do pivatvatekan am, ji da ratan no onowned no niapoan a, tana kakanakan am mateneng sira mivilang so vakong do ikakcin no velek da, ta no makcin o tao am abo o oyowyat no kataotao. ya apia rana siciaikoa ya o ya mivatvatek a kanakan, ta da sidongen o kanen da do pivatvatekan, aka no ya aro rana o tao a ya manidong so kanen no kanakan do apnezak, so pancian no kanen do pivatvatekan a yanan no pangangarilawan no tao.

105 年全國語文競賽原住民族語朗讀【雅美語】 國小學生組 編號 2 號
學校的營養午餐

當中午的鐘聲響起,代表著要吃營養午餐了。抬餐的學長和學姐將飯菜抬進教室後,香味也飄進飢餓的肚子理。全班在謝飯之後,教室裡就只有碗筷與喝湯聲,飽足一頓之後還有水果當餐點。

學校的營養午餐每天都不一樣,有時吃米飯有時吃麵或炒飯,菜有青菜、魚、肉、豆和蛋等等;水果有西瓜、香瓜、橘子和香蕉等等。豐富的營養午餐,讓小朋友長得快又好,不僅如此,也學會了惜福與感恩的功課。

如果學校停止提供營養午餐,弱勢家庭會煩惱,孩童也無法正常上課,因為民以食為天。現在除了政府提供學校的營養午餐,也有許許多多的善心人士幫助學生的營養早餐,所以學校的營養食物是充滿了愛與溫暖。

文章資訊
文章年度105
文章編號2
文章組別國小
文章語別雅美語
族語標題kanen do pivatvatekan
漢語標題學校的營養午餐
文章作者希婻紗旮燕
漢語摘要