105 年全國語文競賽原住民族語朗讀【雅美語】 國中學生組 編號 1 號
somalap a avang

o angit rana do pongso am, ya abo o ya asa ka araw a ya ji alakan nia. tana ya apia tana ya marahet o kakawan am, no ya tangaraen o angit am, ya aro o miasasalap a ya mitotoaw do teyngato no ili a somalap, amian so ipasalaw aka no takoyab aka no gazoak. sira akmey asa ka ciciponan a mehzehza a somalap do karakoan no angit, no sira mangay do kawanan am sira mangay do kaozi. no ya tomakatakaw am, sira mian do teyngato no karakoan no wawa, ya matotonton a omvezay so panid da a somalap, ya da ka pisinaoli rana a someyked do toos no kayo a mamahamaha, no tomakatakaw am sira miwalam do tokad no niakawan, no sira makamahamaha rana am, sia na malovot a miroa somalap do angit, no ya somdep rana o araw am da ipiwalam.

nimiapo nokakoa ya na ka tongaian siciaikoa ya am, ya na karakorako no sinokob no angit am, miasasalap o ya mapey vazay so da kapialalam do angit saon am, ya da kaveyvoan o angit a ya peylingalingayan so masaod no karawan. miasasalap am beken a niparing a kikay so taosia no aneng, miangay ta abo o aro a kikay a palitan, neymakdeng na am no sira somalap am, ya ji manazang so kipo a da kato livolivonan so da apiaen a ya angayan a meyciamahamahatawan a pongso.

no kakanakan da pa no rararakeh no kakoa am, tatala o macita da do wawa, so ji da makatenngi do vazavazay no karakoan no karawan. amian rana so sikoki a avavangan no tao a mai do pongso am. yapoan na rana no kapangavangavang no tao, a mangay do malaod a manazang so meyciamadadayan a apzapzatan do vaay, ipanci da no rarakeh o sikoki a somalap no avang, do ka akma na miasasalap a to nalap do angit. ala abo akman so tao do pongso a teymasanib a omavang do sikoki a mangay do malaod. ori na ikaro rana no nimablis a pimasaodan no tao do pongso, so ikakdeng no somalap a avang a ipihanhan no tao a ahavangan do angit, inganangana so tao do malaod.

105 年全國語文競賽原住民族語朗讀【雅美語】 國中學生組 編號 1 號
飛行在空中的船

蘭嶼的天空沒有一天不熱鬧,不論晴雨,部落上空常會出現各種鳥類在飛行,有燕子、灰面鳩和白鷺鷥等。牠們一般成群結隊飛翔,有時在海面上繞圈圈後再飛到樹梢停留,有時歇息在田埂上,然後再集體展翅飛舞,直到夜幕低垂。

自古迄今,也只有鳥類獨鍾天空為遊樂場所,牠們獨享浩瀚穹蒼。牠們在空中飛行,不用加汽油也不用換零件,也不用買票就能環遊世界。

以前島上老人家的童年,只看到拼板舟在大海中航行,無法認識外面的世界。民航飛機出現在蘭嶼上空後,族人開始與外界接觸,引進現代化用品,並且改善了生活。飛機也成了族人現今往返台灣重要的交通工具。

文章資訊
文章年度105
文章編號1
文章組別國中
文章語別雅美語
族語標題somalap a avang
漢語標題飛行在空中的船
文章作者希婻紗旮燕
漢語摘要