107 年全國語文競賽原住民族語朗讀【邵語】 國中學生組 編號 3 號
kuaw masa aaq a lalawa

kuaw minakatusi fafaw a qali numa marfaz mupruq, numa panasahai pruq isisua numa smakup tata wa sisi-- langqisusay a sisi. numa itia dai tata wa aaq isahai ribush a kawi a fafaw mriqaz izai kuaw, numa mathuaw dai ikain masay. numa sa izai aaq mathuaw shmaqlhay izai kuaw maqa dai mathuaw mara’in numa mathuaw matunaw miku tmash.

numa aaq dai marfaz izai mupruq panasahai mara’in a sisi a rikus, mangqtu mzai “ smakup yaku izai sisi. ” numa thithu a kuku maqa panasahai mara’in a sisi, numa s izai sisi a kupur maquliush numa shangkatkat dai. numa shurushuruzin thithu amusha, antu shiruan. numa aaq mathuaw matunaw dai amarfaz, antu mani shiruan maqa thithu a kuku shangkatkat isa sisi a rikus a kupur.

numa riqazan izai sisi a talima numa mutantu s izai smakup izai aaq. numa mara dai thithu qaqpit, qpitin dai thithu izai aaq a kupur, numa niza tu marfaz. numa tanlhuaniza, sakpiniza thithu izai aaq mutaun, malhai thithu a azazak, numa azazak makikalhi mzai “ numa wa rumfaz izai? ” azazak a ama mzai “ aaq! dadu aaq izahai! numa thithu kamzaiza mani thithu mzai kuaw, numa asmapuk la mara’in a sisi. ”

numa izai a lalawa la, mzai ita thau ya muqay mriqaz tmash thau mzai numa s akalawan, maura ita mzai ananak a lakuza wa kushwit. ya miazithu la, amuqay tmash suma numa kalawan, antu maqitan! kathawaan thau.

107 年全國語文競賽原住民族語朗讀【邵語】 國中學生組 編號 3 號
老鷹和烏鴉的故事

老鷹捉到了一隻小羊。烏鴉在樹上看著老鷹,非常嫉妒,也非常羡慕老鷹的高大雄壯,一心想要模仿。

烏鴉飛著就向地上直撲,衝向一隻大羊的背部,想說:「我捉到羊了!」,爪子因為直接衝到羊背上,羊毛非常長,所以被勾住,烏鴉拼命拉卻拉不出來,用力飛也飛不起來,因為被牢牢被羊毛緊緊地纏住了。

羊主人看到了,將鳥鴉一把抓住,剪去牠的羽毛,從此牠不能再飛。天黑後,主人帶著烏鴉回家,交給他孩子,孩子問說:「這是什麽鳥?」爸爸回答說:「烏鴉!可是牠卻自認為是老鷹,還想捉大羊呢!」

一個人只知道模仿別人,卻不知道自己到底有多少能力,這樣可能會給自己帶來不幸,並被世人所嘲笑。

文章資訊
文章年度107
文章編號3
文章組別國中
文章語別邵語
族語標題kuaw masa aaq a lalawa
漢語標題老鷹和烏鴉的故事
文章作者簡史朗
漢語摘要