105 年全國語文競賽原住民族語朗讀【南勢阿美語】 國中學生組 編號 1 號
Mibatikar

I adidik hen, mangalay a minanam a remakat, ira ku kalang, u kakayatan a karireng nu maku, tangasa saan mabana’ a remakat, araw balic han tu tuluay ku muli a batikar, mahaen tangasa sa matu’as. I tiya hacuwaay hakiya niya cacay a kasubucan nu mihecaan nu maku. Sipicakay nu wama kaku tu kaimuay a batikar, u lipahak nu balucu’, milekal kaku a ira kira

ku batikar nu tireng. Lingatu nu maku a minanam tira batikar, sawayay kapeten henay nu wama i lalikul nu batikar, tu sakacaay katalaw nu maku a minanam a midakaw, tuna mahaen, sakilemel sa a mikapet tu handulu’, ira ni sakilemel nu kuku a pacuna tu muli tiya remakat saan, suwal sa ku wama pasuayawi ku mata a mimelaw. Tuna mahaen takudul talesasa, sani: remakat, sani: masatuku, mahaen sacudacudaysa a minanam, caay:tu kabana’, kina pinaay tu hakiya ku nipinanam. Aruw sawad hantu ni ama ku kamay nira, caay tu pisaciwiciwi ku nipidakaw tu batikar sa a mimelaw, tuna mahaen araw mabana’ a mibatikar, maraaymaraay tu ku nipibatikar, i matini salipahak saku balucu’. I matini mabukilay hen kaku a miciwi, mabukil aca a maepud, tu namahaen araw mapabalah kaku a matulu’. I matini suwal satu ci ama nu maku, minanam tu batikar a caay katalaw a matulu’, kinapina a matulu’ araw kapah ku nibatikar satu. Suelinay ku suwal nu wama caay paceba.

yu rumasatu sawaden ku kamay a mibatikar, tanu tuwasa i lalan. Dungdung sa tira bangcalay a kakarayan a misamelamelaw, masidasi:daytu ku kalihalawanay a demak salipahaksa ku balucu’, suelinay anu patalikulen ku remiad i matini, hacuwaay hakiya ku kapah.

Ma’ulah kaku a mibatikar, sisa pangangan hanaku kira batikar ci-- Ce-lung han. Makasimsim tira nikalecabi a mibatikar, i tiya dadahalay a lalan, matiya i aayaw tu a melawan, sisa tangasa i tini, makasimsim tu kaku tiya batikaran, bahalsa a mangalay a midakaw waca tu batikar. U sakacaay kawkapawanan nu maku kira nipinanam atu nikatulu’ atu sacudacuday sa a minanam, tira batikaran.

105 年全國語文競賽原住民族語朗讀【南勢阿美語】 國中學生組 編號 1 號
騎腳踏車

小時候為了學走路,有一台螃蟹車,學會走路以後,換成一輛三輪車,隨著年齡的增長,某年生日爸爸送我一台紫色腳踏車,我終於有自己的腳踏車了。

初學腳踏車時,爸爸扶著後座,我手扶好龍頭,腳踩踏板,眼睛看著前面。反覆練習多少次,爸爸放開雙手,我把握到平衡的要領,愈騎愈穩,高興之時發現我還不會轉彎,也不知怎麼下車,就摔車倒地。爸爸說學騎車不要怕摔,摔幾次就會騎了,每次跌倒就能領悟到一些訣竅、技巧。 

我們常約好友出遊,相互競速,也會放開雙手展現技術。看著沿途的美麗景致,讓我忘掉一切煩惱,真想讓時光永遠停留在這一刻。
我好喜歡我的腳踏車,它名叫「Ce-lung」。每當想起往日騎車追風,奔馳在步道上的情景,真叫人難忘,點點滴滴,歷歷在目。

文章資訊
文章年度105
文章編號1
文章組別國中
文章語別南勢阿美語
族語標題Mibatikar
漢語標題騎腳踏車
文章作者張美妹
漢語摘要