107 年全國語文競賽原住民族語朗讀【北排灣語】 國中學生組 編號 2 號
sini kiqeljing ta cemas a vecik ta aljak a uqaljay

tisun a naqemati, pay! ulja su qinati a ualjak(kualjak) a uqaljay, tuna caljeqil a sikudan a patje kemeljang tua lumeljakan a sikudan nimadju, “ ulja na rakac a kicevungan tua rekutjan, nu na kipaqulid sa seljekuya kinipusengesengan, tjara ika uri masuram, nu namalaying namasusu a sinikarakudan, ulja kamayan ana kinanguaq a na kitatekuan. ”

pay! qatiyu a u(ku) aljak a uqaljay, tu ika amin a misepi sa inika kipakakuda, tjiyaku timadju a kipakeljang tjanusun, sana kemeljang tjanusun uta, nu na pulingalingav tua tja kinamacidicidiljan, avanazua na kemapaz a kaqulidan a kinljangan.

kiqaung a en(ken) tjanusun, ulja su tjiniyak a cemiyur timadju tu inika kikavulj tu naseljenguaq tu nasaceqalj. nu tja cepeliven a kinemenem, nuri secevung tua nasemadjelung, na penazangal a paljavakan, ulja kicaquan a migacalj nu kicevungan tua maru raljiz a selapayan, sa ulja izua salimsiman katu kipavala tua tiamadju ana mitemezengan a kiqadiqadilj tua selapayan a caucau.

pay! qatiyu a u(ku) aljak a uqaljay, tuna masenav a vinarungan, na paljiacadja sa tjemaljiqaca kininemeneman, sa nuri semekaulj ta qaliqali, ulja na pakasangas a kemeljang tu kemuda nanguaq a sivaikan nimadju a menacidjiljan; sa inikangata dremaudrav tua pinacalivalivat a pinasalivan, ulja na makaya auta a tjemaljiqaca sa remaruqan tua djalan nu tiav nu sikatjelu nimadju.

nu napasusu akiniqaung a penuljat nimadju, uri kikavulj anan a en(ken), tu pavayan ta caquan a ljemikayan, ulja makaya kitjumaljiyan sa na zemangal a sikipakakudan, sa ikana palangtjav a kiqaung tjaimadju a macidjilj.

pay lja! ulja su pagaugavan ta kitatekuan ulja na paqenetj a palalautang, a pita kaqulidan nua puvaruvarung itua sikarakudanan, a pita kaqulidan a caquan itua namacelak a kinemeneman, a pita kaqulidan apupicul itua sulapeljan a vinarungan.

numaitazua nga, tiaken a na masan kama, temuru anga en(ken) a pagalju a qivu tu, “ mapuqata a u(ku) kinaikacauwanan. ”

nu tja supuyin a gemalju satje kinemenemi a pivarung, aicua sinan vecik ta aljak, makeljang aravac a kiljivaka katu puzangalan ta aljak a uqaljay. sa timadju tjaljavavavan a kinisan sivitayan a na maligu i kacauwan, lima vitjuqan a na galiljegilj ita qavan, qau sikiqeljing ta cemas a aljak a papupicul a papuvarung. ulja tjapacuali a kiljivak ta tja aljak, palemek a tjakisamulja sa tjananguaq a tja aljak a mapuljat.

107 年全國語文競賽原住民族語朗讀【北排灣語】 國中學生組 編號 2 號
麥克阿瑟為子祈禱文

主啊!求你塑造我的兒子,使他夠堅強到能認識自己的軟弱;夠勇敢到能面對懼怕;在誠實的失敗中,毫不氣餒;在勝利中,仍保持謙遜溫和。

懇求塑造我的兒子,不至空有幻想而缺乏行動;引導他認識你,同時又知道,認識自己乃是真知識的基石。

我祈禱,願你引導他不求安逸、舒適,相反的,經過壓力、艱難和挑戰, 學習在風暴中挺身站立,學會憐恤那些在重壓之下失敗的人。

求你塑造我的兒子,心地清潔,目標遠大;使他在指揮別人之前,先懂得駕馭自己;永不忘記過去的教訓,又能伸展入未來的理想。

當他擁有以上的一切,我還要禱求,賜他足夠的幽默感,使他能認真嚴肅,卻不致過分苛求自己。

懇求賜他謙卑,使他永遠記牢,真偉大中的平凡,真智慧中的開明, 真勇力中的溫柔。

如此,我這作父親的,才敢低聲說:「我沒有虛度此生。」

文章資訊
文章年度107
文章編號2
文章組別國中
文章語別北排灣語
族語標題sini kiqeljing ta cemas a vecik ta aljak a uqaljay
漢語標題麥克阿瑟為子祈禱文
文章作者謝秀珠
漢語摘要