106 年全國語文競賽原住民族語朗讀【北排灣語】 國小學生組 編號 1 號
kinivecikan na sepaiwan

aicua paiwan zuku katua drekay zuku, a vincikan ta kinacavacavan na masan paravac na mamazangiljan, izua na caucau a vecik, izua vecik na qulu na caucau, izua vecik na qatjuvi, nu avan a tjadjamuqan na mamazangiljan ki makaya a kisedjaljep tua sivecikan ta vecik.

aicua namaitucu a kakudanan na vencik ta kinacavacavan sini paljiazua a maseljud pitua sikudan a nemanemanga. paru a lalang na kava, lalang na qulu, lalang na djapalj… si pakatua galiljegiljegilj a caicaing, sa pacacaicaingi a padjekec ta kava a mareqecev a quljav, nu kipapacun tu na kipautjez a mirava tjara mamazangiljan, aza na saceqalj a matu seringsering a zaing na kisacalinga taqaljaqaljan a caucau, “ macaqu a semenay a kava ” aya tiamadju, avanakay a “ na sepulingetj a senay i kacauwan ”, saka ulja na paqulid tu kitevelj ta kadjunangan a semenay a caucau, ki namatjesazek a nguanguaqan, avan nu sika tjenglayan a kialalang a sikinemeneman niamadju.

ikavan a lalang na kava sakamaya, azua djilung, sasuayan, garaljigalj, qeluz, a valji a qaciljay asinan cukuy, inika matjaula a namaitucu a vecik. a kakudanan a mamazangiljan sinananguq a lemaulj a penuljat a nanemanemanga.

tucu ljaki na sekialap anga tjuruvu ta kakudan a kasi sasau, sa kitjukuda i qinajan a malizuk a kitju ta kakudan, inianga na mapatesazek a sikilalaingan ta kadjunangan a qizing kata ngadan na mamazangiljan, ljakua na paqaljay sakamaya ta mamazangiljan a taqaljaqaljan.

a sikivecikan ta kinacavacavan na paiwan na macacaing ta tjaucikel na qinaljan, na kialap ta pukeljang na mamazangiljan kata kinacemekeljan. paru, a sevalitan nu avan a sini pualjak na qatjuvi ta djilung kata na venuak ta qecilu na qadav.

a tjaivilivililj kipavecik ta vecik na qatjuvi, na djilung kata na qadav a vecik, sipavecik ta vecik na qatjuvi a kinacavacavan na paiwan. a kivecik ta kinacavacavan kinitju ngadan na mamazangiljan, tu sipakeljang ta kinasumalji a vavavan nua ngadan niyamadju.

106 年全國語文競賽原住民族語朗讀【北排灣語】 國小學生組 編號 1 號
排灣族紋樣

紋身是貴族的權力,部位多在胸部、背部、手腕和手臂,有人形紋、人頭紋、蛇形紋。紋身文化延伸使用在生活的機能用品上,像是服飾、頭飾、腿飾透過珠綴銀片或對色拼貼的串聯縫在布衣上。

除了服飾,舉凡陶甕、門楣,屋中樑柱,還有石板、木桌都少不了這種紋樣。貴族機制確實讓排灣族保存了完整的文物藝術。現在雖然很多人受到外來文化的影響而離開部落到都會生活,貴族支配領地的權力也不再那麼完整,但基本上對貴族家庭仍然維持相當的尊重態度。 

排灣族的紋身圖樣與部落傳說相關,採用的是頭目或氏族的標誌。例如頭目的祖先是蛇生陶壺或太陽卵生,後裔便會刺上蛇紋、陶藝紋和太陽的紋飾,排灣族也曾利用百步蛇紋來紋身。紋身是貴族的特權,藉此來顯示自己的尊嚴。

文章資訊
文章年度106
文章編號1
文章組別國小
文章語別北排灣語
族語標題kinivecikan na sepaiwan
漢語標題排灣族紋樣
文章作者謝秀珠
漢語摘要