107 年全國語文競賽原住民族語朗讀【南排灣語】 高中學生組 編號 3 號
vaquan a itung nua mamazangiljan

izua i cadja aravac a kedrikedri a kuni, a taqaljaqaljan a mapuljat imaza nananguanguaqan a varung saka na kipagalju tua sikana tua situngan, sa neka nu sinikavarung na malevaleva sakamaya tiyamadju a ljemida tu qadaw. ljakua inika namayatazua azua mamazangiljan niamadju. timadju ljemita tu qadaw inika amin a nakialalang a nakibulabulai sakamaya.

pai tucu a qadaw, kirivurivu azua mamazangilja tua rusanituitung a caucau. izua madrusa a kemasi tjuzuma a qinalja a naseceker i paljing a lemangdangeda, marepacun tiyamadju, a nasamalji aravac, ayatua ka marekinamaljimalji a mamazangiljan, pinacunan niamadju, ljinalua-i uta a lemangedan tu “nasaljinga tua nakisumalji a si itungan azua a mamazangiljan.”

azua kasicadja a madrusa a caucau, patagilj a remanaw a qivu a kipasemalaw a penulingelingetj, tu tjaljasaiguan tua manitung anga tiyamadju a madrusa, maqati amalang tua tjaljabulayan tjaljakisumaljiyan tua kana itung anga, saka tucu izuanga uta a tjaljananguaqan a kaliljaw, nekanan nu namasengseng.

manu mapaqulid, ka seljayar sakeljang anga a caucau, vaik a pasemalaw isauniuni tua mamazangiljan, ka selangda a mamazangiljan, maleva aravac, sadjaulji tiyamadju a pasata kakaizuanan nua mamazangiljan, turi kemljang tu anema nu kaliljavan a siayaya niamadju.

pai, pavayan tiamadju isauniuni tua valjitjuq(pakiyau), sa padjuluan tiyamadju tua uri kazuanan a masengseng, sa padjuluan uta tua sicenucenu a kikai, sa patagilju a kipusengsengan ayain.

azua tiyamadju a madrusa ka namalap anga tua valjitjuq(pakiyau), malevaleva sa kakan sa teketekel, ka mapuljat anga a valjitjuq(pakiyau), cemikel anga a mikarakudan tiyamadju.

tucu a qadaw, mangetjengetjez azua mamazangiljan kata madrusa a sasekauljan nimadju a pacun tu kemudakudanga a sengsengan. ka pacun tiyamadju tua zua madrusa pacacikecikel i palingulj tua sicenucenun ta kaliljaw a kikai, sepurepurer a lima a mikarakudakudan, ljakua neka nu mapacucun a nema i pavavaw tua kikai, anema azua pinaka alai na qerepus, mintjus tiyamadju sakasamalji, manu mavucanga a ku maca aya. ljakua inika temuru a qivu tiayamadju a matjelu, ayatua na qivu azua masengsengseng tu “ a nguljungulju a inika pumaca a caucau, inika kauri maka pacun tusa makaliljaw ” na aya qivu. 

iniana cuacuai, pasemalaw a mamazangiljan tu uri djaravac timadju a makaqinaljan, sa papacun tua tjaukaitung nimadju.

pai gemaljugalju, a cemalivalivat a pinakialalangan a cinvavavan nua mamazangiljan. ljakua, a timanga a na pacun tua mamazangiljan, napasasamalji sakamayan, neka nu galugulugu, a pacucun a timaimangan pinaka amin timadju a macidilj nu inika makapacucun tua itung a vaquan nua mamazangiljan. kapacun azua mamazangiljan ta kinakemudan, pasatja maleva, sa kinemnemnem timadju tu, aizu a kusikataqaljan amapuljat tjara namintjus tua kinabulai nua ku itung, avana sika namatjatjuka na mangalj a pasasamalji!

ka vaivaik tiamadju idjalan, manu izua kakedriyan a mezangal a qivu “ ha ha ha! ini kana mitung a mamazangiljan, ini kana mitung a mamazangiljan! ” qecengen isauniuni nua kina azua kakedriyan, ljakua linangedan anga nua mamazangiljan azua kai. matjalaw aravac a masa siyaqan a mamazangiljan, ljakua kinemnem timadju tu kudain a na kisiyaq anga ken, tjamanguq a mimaulavan aken aya. 

pai, kemasizua anga, matulu anga a mamazangiljan-- a inika turuin a qivu nua ramaljemaljeng, amin a kakedriyan nu temuru a qivu tua paquliqulid, sedjaljep a tjapacualan a maseqetjan nua kakedriyan. pai sa kemasi tucu, inianga ken a uri seman paravac tua makavavavan a sikudan, inianga ken a uri mitung tua vaquan a itung uta.

107 年全國語文競賽原住民族語朗讀【南排灣語】 高中學生組 編號 3 號
國王的新衣

有個國王,嗜好穿新衣服。兩個鄉下人自稱可以製作最奇特的衣服,打算好好大撈一筆。

國王召他們進宮,他們對陛下說:「陛下,只有聰明人或有鑑賞力的人可以穿我們的衣服,布用一種天上的雲抽絲而成,等織布機製作完成就可動工。」

國王準備好織布機,鄉下人把錢花光才假裝工作。這天,國王親自參觀,旁邊跟了兩個大臣。鄉下人在織布機邊操作,但是織布機上沒有半點東西,他們嚇了一大跳,以為自己眼花。

鄉下人問他們看法,三人都不敢把疑問說出來,說:「這布一定是從天上掉下來的。」之後,國王又到工作室來,仍什麼也沒看到,國王依然不敢問。不久,國王決定辦遊行來炫耀新衣。

花車駛過街上,大家目瞪口呆,以為只有自己看不到新衣裳。國王想,百姓一定是被他的衣服震驚了。突然有小孩說:「國王沒有穿衣服!」母親連忙阻止,但已被國王聽見。國王惱羞成怒,卻又想已經出醜了,乾脆繼續裝下去。

國王得到教訓,只有小孩子才會說實話,人們應好好的學習孩子們的誠實。

文章資訊
文章年度107
文章編號3
文章組別高中
文章語別南排灣語
族語標題vaquan a itung nua mamazangiljan
漢語標題國王的新衣
文章作者蔡愛蓮
漢語摘要