107 年全國語文競賽原住民族語朗讀【太魯閣語】 高中學生組 編號 3 號
Psdka Tmalang Ka Kuluk Ni Sbirat

Kana ita mnswayi, embiyax namu kana! Spgun mu hini sayang o pnengalan kari knlangan Isow, kari nii o wada dhuq smbiyax bi rmngaw quri sjiqun, qulung psparu lnglungan na ka seejiq o ida mha sdgiyal psbilaq lnglungan seejiq.

Pusu balay kari spgun mu hini sayang o psdka tmalang ka kuluk ni sbirat. sbirat o smbilaq bi qmita likaw nksa kuluk, psparu bi rmngaw quri kuluk kdjiyax, “ qndhyaqan pnstrilan kingal qatar tnlaman mu o ida bi yaa tru iyax tuki ksaun su ” sun na smbilaq rmngaw.

Ini balay sparu qmita hyaan ka kuluk, kiya ni psdkaa ta tmalang sbirat msa lmnglung ni tai ta ima ka ini biyaw dhuq nhdaan tlaman msa. prajing bi psdka tmalang siida do embiyax balay mquri brah tmalang ka sbirat, asi na pxali peeniq bukuy gaying bi ka kuluk. kuluk o paah bukuy ida saw ksa niya bi mknhuway mkarang.

Balay bi mslikaw tlaman ka sbirat,dha kuluk o wada aji hmut kulaw gaying ka qnthyaqan niya, ini qbsiyaq do wada na asi plaxi bukuy gaying ka kuluk da. psbrinah qmita bukuy ka sbirat ni ini na qtai ka kuluk do lmnglung ka hiya, “ sbaangay ku cicih siyaw elug han, ida aji empskla likaw mu ka kuluk ” msa. Sbirat o ini balay pslhbun ni bi sdahar tasil ptunux “ nguq! Nguq! ” msa wada aji hmut suyang tnaqi na ka sbirat da.

Ana yaa mknhuway bi ka kuluk, kiya ni ini bi dawi, mqquri brah embiyax balay mkkarang bi ini sqquwaq ni dmungus elug dhqan mksa. kiya ni wada na asi dhqi mksa kana ka elug ksaan, dhqan na ka nhdaan bi tlaman da.

Kiya ni wada mttuku bi tnaqi niya ka sbirat do mtutuy nhari paah tnqian na ni mqquri brah tmalang duri, ’ida ku na aji sklaun ka kuluk, ida yaku ka emplealay bi dhuq dhqan’msa lmnglung. Dhuq balay nhdaan tlaman ka sbirat do, jima nii plealay dhuq ka kuluk ni tmaus quri sbratan, ’jima ku nii plealay dhuq ka yaku da’msa. qmita ka sbirat siida do aji bi hmut kluwi niya ni ini rngaw ana kingal kari da.

Kana ita mnswayi, lnglung binaw! kuluk ka psdka tmalang dha sbirat o hmuya ma wada dmgiyal? ita seejiq uri o mdka saw nii, iya ta psparu, ana manu euda o psbilaq bi lnglungan ta, kdrumut ta balay matas ni qmeepah uri, quri pnegluban ta sjiqun o psblaiq ta ni pggealu ta balay, kika mha malu ka kndsan ta babaw dxgal,niqan kingal jiyax ida su dhqun mangal ka dngusun su.

 

107 年全國語文競賽原住民族語朗讀【太魯閣語】 高中學生組 編號 3 號
龜兔賽跑

兔子瞧不起烏龜走路的速度,常對烏龜說:「我跑一步的距離,你大概要爬三個小時吧!」烏龜很不以為然,牠決定要和兔子比賽,看誰先跑到終點。

比賽開始,兔子努力地往前跑,烏龜在後面慢慢地爬。兔子真的跑得很快,不久就把烏龜甩在後頭,當兔子回頭看不見烏龜時,牠心想:我先睡一覺,這隻烏龜一定趕不上我的速度!兔子就放心地靠在石頭邊呼呼大睡。

烏龜雖然慢,但一點也不偷懶,牠努力地爬,經過呼呼大睡的兔子,牠很渴很累,卻忍耐往前爬,終於到達終點。兔子一覺醒來,匆匆地趕到終點時,烏龜早已站在終點向兔子打招呼呢!

想一想烏龜和兔子賽跑,為什麼會嬴?我們做人也是一樣,不要驕傲,任何事都要謙卑。

文章資訊
文章年度107
文章編號3
文章組別高中
文章語別太魯閣語
族語標題Psdka Tmalang Ka Kuluk Ni Sbirat
漢語標題龜兔賽跑
文章作者李季生
漢語摘要