106 年全國語文競賽原住民族語朗讀【太魯閣語】 國中學生組 編號 2 號
Kuxul mu bi tmabug ka tmbgan

Seuxan snaw swayi bubu mu o, niqan kingal paru balay huling na, embhgay ka ubal niya ni paru balay birat niya, qthur bi ka papak niya. swayi snaw bubu mu o, “ Rambu ” ksun na tmngahan. ana ya saw kiya, “ Rambu ” nii o 5 bi ka hnkwasan niya, lnglungan na o mgseesu balay ni tgluus balay. ini hmut mluul, aji uri o ini hmut mhraw qmiyut seejiq uri, rinah mhrapas mnan saw lqlaqi bilaq, qulung ku malax paah ptasan tgbilaq do, gimun mu balay ka hiya ni, mseupu nami tmalang, mseupu nami musa trima yayung. kndsan mu kdjiyax o, ini tduwa laxun ka hiya. manu saw kiya ni kuxul mu bi tbgan ka tnbgan mu nii.

Niqan kingal saw sklwiun knkla na ka Rambu nii, kiya o mkla muuyas. niqan empxal, baki mu ga dmuyi iyuk pgaagu, kiya dni sdui na iyuk pgagu tmaus, kiya do Rambu o qmbahang bi kari ni miyah tluung siyaw baki mu da. dmuyi iyuk pgagu ka baki mu ni, Rambu o qmbahang hnang iyuk do, mhiyug ka tunux na ni mlilug ka birat niya. “ U! U! ” msa muuyas uri, khnu qnbsiyaq ka nyupan na ka baki mu o khnu qnbsiyaq ka uyas na uri, mskluwi ku balay qmita, lmnglung ku ka yaku o mdka ita seejiq ka huling uri, smkuxul muuyas ni qmbahan uyas.

Rambu o niqan kingal ka paru bi pais na, kiya o Anu ksun ngahan ka huling ggtguit sapah mu, ana ima ka muda ggtgut sapah niya o, ida asi ka mngingir saang na bitaq balay qmiyut seejiq. saw bi smeisug. Yaku o ini ku bi skuxul Anu nii, Ranmbu o ini skuxul hyaan uri. mkeekan bi ni bitaq mssdara ka hiyi dha. manu saw kiya do gaga bkiyun tnsapah na hika Anu da, tai saw aji emphmut rmigaw.

Nii ska lnglungan mu o, niqan kingal paru bi snluan, tai saw tghuy bi mnan ana bitaq knuwan ka Rambu nii. kiya ka kiya ni. Rambu nii o wada uqun kntlxan mnarux ni mhuqil da, kiya ni naqih bi kuxul mu ana bitaq sayang.

Huling mu Rambu nii o paru bi hnigan na ni trbangan mqalux, qulung qmita knan pnaah ku ptrasan dhuq sapah do smigaw ka ngungu na ni mssqugu pstaril miyah tmhubuk knan.

Huling mu Rambu nii o kuxul mu balay ni lnglungun mu balay bitaq sayang, qmita ku sasing niya do mdka saw nii muudus ni tghuy knan, aji mu balay shngiun ana bitaq knuwan.

106 年全國語文競賽原住民族語朗讀【太魯閣語】 國中學生組 編號 2 號
我最想養的寵物

舅舅有一隻大狗,是白色的,耳朵下垂,四隻腳都很粗,舅舅取了一個很響亮的名字-Rambu,其實Rambu是很溫順的,不會隨意吼叫或咬人,常常和小孩子玩在一起,一起賽跑、到河裡游泳。

Rambu有一項絕技,就是唱歌。一次外公拿著笛子,然後向Rambu招手,Rambu過來坐在外公旁邊,外公吹起笛子,Rambu聽到笛聲,就仰起頭跟著「嗚!嗚!」地唱起歌,真是不可思議,我想Rambu和我們一樣,喜歡唱歌聽音樂。

Rambu有一個最大的敵人,就是隔壁家的狗-Anu,牠是一隻黑狗,比Rambu稍小隻,很兇,看到人經過都會大叫或咬人,牠的主人把牠綁在門口,不讓牠亂跑。我跟Rambu都不喜歡牠,因此,Rambu常和牠打架,甚至打到身上流血。

我很希望有一隻像Rambu一樣的狗陪我,因為狗很討人喜愛,所以我最想養的寵物,就是一隻可愛的狗。

文章資訊
文章年度106
文章編號2
文章組別國中
文章語別太魯閣語
族語標題Kuxul mu bi tmabug ka tmbgan
漢語標題我最想養的寵物
文章作者李季生
漢語摘要