105 年全國語文競賽原住民族語朗讀【太魯閣語】 國中學生組 編號 2 號
Kuxul mu bi tbgan ka tnbgan

Seuxan snaw swayi bubu mu o, niqan kingal paru balay huling na, embhgay ka ubal niya ni paru balay birat niya, qthur bi ka papak niya. swayi snaw bubu mu o, “ Rambu ” ksun na tmngahan. ana ya saw kiya. “ Rambu ” nii o 5 hnkawas bi ka hnkwasan niya, lnglungan na o mgseesu balay ni tgluus balay. ini hmut mlawa, aji uri o ini hmut qmiyut seejiq, rinah mhrapas mnan saw lqlaqi bilaq, qulung ku malax ska ptasan tgbilaq siida do, gimun mu balay ka hiya ni, msuupu nami tmalang, msuupu nami musa trima yayung. kndsan mu kdjiyax o, ini tduwa laxun ka hiya. manu saw kiya ni kuxul mu bi tbgan ka tnbgan mu nii.

Niqan kingal saw sklwiun knkla na ka Rambu nii, kiya o mkla muuyas. niqan empxal, baki mu ga dmuyi iyuk pgaagu, kiya dni sdui na iyuk pgagu tmaus, kiya do o Rambu do o qmbahang bi kari ni miyah tluung siyaw baki mu da. dmuyi iyuk pgagu ka baki mu ni, Rambu o qmbahang hnang iyuk do, mhiyug ka tunux na ni mlilug ka birat niya. “ U! U! ” msa muu yas uri, khnu qnbsiyaq ka nyupan na ka baki mu o, khnu qnbsiyaq ka uyas na uri,mskluwi ku balay qmita, lmnglung ku ka yaku o mdka ita seejiq ka huling uri, smkuxul muuyas ni qmbahan uyas.

Ranmbu o niqan kingal ka paru bi pais na, kiya o Anu ksun tmngahan ka huling siyaw sapah na, ana ima ka muda siyaw sapah niya o, ida asi ka mngangar bi ni, bitaq balay qmiyut seejiq. saw bi smeisug. Yaku o ini ku bi skuxul Anu nii, Ranmbu o ini skuxul hyaan uri. mkeekan bi ni bitaq msdara ka hiyi dha. manu saw kiya do gaga bkiyun tnsapah na hika Anu da, tay saw aji emphmut rmigaw.

Nii ska lnglungan mu o, niqan kingal paru bi snluan, tay saw tuhuy bi mnan ana bitaq knuwan ka Ranm bu nii. kiya ka kiya ni. Ranbu nii o wada uqun mtalux mnarux ni mhuqil da. kiya ni naqih bi kuxul mu bitaq saying.

Huling mu rambu nii o kuxul mu balay ni lnglungun mu balay bitaq sayang,qmita ku sasing niya do mdka saw nii muudus ni tghuy knan, aji mu balay shngiun ana bitaq knuwan.

105 年全國語文競賽原住民族語朗讀【太魯閣語】 國中學生組 編號 2 號
我最想養的寵物

舅舅有一隻大狗,是白色的,耳朵下垂,四隻腳都很粗,舅舅取了一個很響亮的名字─Rambu,其實Rambu是很溫順的,不會隨意吼叫或咬人,常常和小孩子玩在一起,一起賽跑、到河裡游泳。

Rambu有一項絕技,就是唱歌。一次外公拿著笛子,然後向Rambu招手,Rambu過來坐在外公旁邊,外公吹起笛子,Rambu聽到笛聲,就仰起頭跟著「嗚!嗚!」地唱起歌,真是不可思議,我想Rambu和我們一樣,喜歡唱歌聽音樂。

Rambu有一個最大的敵人,就是隔壁家的狗─Anu,牠是一隻黑狗,比Rambu稍小隻,很兇,看到人經過都會大叫或咬人,牠的主人把牠綁在門口,不讓牠亂跑。我跟Rambu都不喜歡牠,因此,Rambu常和牠打架,甚至打到身上流血。

我很希望有一隻像Rambu一樣的狗陪我,因為狗很討人喜愛,所以我最想養的寵物,就是一隻可愛的狗。

 

文章資訊
文章年度105
文章編號2
文章組別國中
文章語別太魯閣語
族語標題Kuxul mu bi tbgan ka tnbgan
漢語標題我最想養的寵物
文章作者李季生
漢語摘要