105 年全國語文競賽原住民族語朗讀【中排灣語】 國小學生組 編號 1 號
kudral tu kudral a qatjuvi

tasicuayan aicu i pasamaza i gadu a vukid ta kasikasiven anan, na makakaizua a qemuzinuzip. liav aravac a sacemel, izua a likuljav, a cumai, a venan, a vavui, a sizi, a takec, a tjanee, a ciya, a lava, a butj(kevutj) na mapeljuq ta nanemanemanga.

izua a qatjuvi a kudral tu kudral, mayanga kinaladruq sa nakitjalik i ta cuqu, djemaljun a qulu i karuinganv ta kasiv, a iku na serukaz i zaleman ta kinaladruqan, sa saigu a zemaing a kivauvalj tua qemuzinuzip a malaing tu anema, nuri samaculja sakeman timadju vaik a misasaljav a kemin ta kanen, ljevavav ta kasiv sa zaing a pacual ta zaing nua sacemel. malaing tu size tu takec tu ciya tu tjanee aya.

izua tu ita tu qadav, izua za madrusa a mareqali, uri vaik a murisacemel a mavukid, na temukuzan ta vuluq, na semevalj ta kuang katua panaq, sa vaik a qemaljup, manu lemangeda tiamadju ta zaing na sizi. izua sa sizi aya tiamadju a mareqali, kiculjevan a ljingav sa kipagaljui sa ljiyadjemeti niamadju. manu paumalj a zemaing a sizi uta. aza zaing matu i paqayaqayav tiamadju, marekiqenetj tia mareqali, sa pasasiqitj a kiqenetj a pasakanavalj a pasakaviri, sa tjemeqang a pasavavav, manu sepakamaca tiamadju tuazua kudral tu kudral a qatjuvi a na kitjalik i vavav ta cuqu. sa zaizaing a paur ljingav na sizi. maljiyan ta samalji tia mareqali, sa kipakirimu a mavilad matu minlayalayap a anema tiamadju, ika pusilalikuzan ta rekutjan!

105 年全國語文競賽原住民族語朗讀【中排灣語】 國小學生組 編號 1 號
巨蛇

很久以前,野生動物充斥著山林。雲豹、熊、鹿、山猪、山羊、山羌、果子狸、白鼻心、飛鼠、松鼠等各種動物。

有一條巨蟒,當牠纏繞在茄苳樹上時,頭部已到達樹梢,尾巴垂下還可碰到地上。巨蟒會發出各類動物的聲音,每當肚子餓想吃東西時,牠會移動牠的身軀發出動物的聲音來,吸引動物來果腹。

有二位獵人,他們手拿矛當杖,背著槍與弓箭到深山打獵,突然聽到山羊的鳴叫聲。他們循著聲音的方向走去,直到聽見的叫聲逼近他們,感覺聲音就在眼前。他們四眼相交並且向四周觀望,當他們舉頭時,赫然發現一條前所未見的巨蟒纏繞在大樹上,發出山羊叫聲。他們嚇得落荒而逃,頭也不回地飛奔而去。

文章資訊
文章年度105
文章編號1
文章組別國小
文章語別中排灣語
族語標題kudral tu kudral a qatjuvi
漢語標題巨蛇
文章作者邱霄鳳
漢語摘要