107 年全國語文競賽原住民族語朗讀【德路固語】 國中學生組 編號 3 號
Kari pnltulan drudan Seejiq

Lmiqu dgiyaq hraan hidaw alang paran hiya ga, niqan kingal paru bi tasil, thnganan dha “ Pusu Qhuni ” sun ka hangan na. Ksun “ pusu gamil qhuni ” dSeejiq ka nii, manu saw kiya do pnaah hini kana ka seejiq ni knudus ana manu msa ka pnltulan kari. Mnsa ka rdrudan “ prajing seejiqun han o sejiqun ga wana dha mnwayi, kingal o qbsuran snaw, kingal o swai qrijil(kuyuh). Siida ungac(t) bi brahan, manu saw kingal swayi qrijil(kuyuh) nii ga pryuxan na ka hnigan na ni dqras na mstrung ka dha qbsuran na snaw, iyux bi pqniqan ni prana lutuc(t) dha babaw.

Seejiq sexual ga slukah(hlkah) bi ka kndusan dha, nasi kmkan samac(t) siida mabal kingal ubal samac(t) do, pniqan ka uqun hiyi samac(t) da. Siida ini bi kiisug seejiq ka ssamac(t)uri, kana bbrunguy ni ttahuc(t) qhuni o qmpah nanaq(k) kana, ini sntama baga seejiq. Midaw uri o ana kingal bi dmux masu o htngay ka limuk uqan da.

Hawan balay! Niqan saw nii msblaiq ka kndusan siida o ini qlahang midaw pspuruc(t) midaw. Pxal manu ka brunguy ga wada skluyun mqpuji na llaqi uri da. Niqan ka kingal psrabang seejiq o wada na asi paqi kana ka kingal samac(t) da! Paah hiya ka dsamac(t) ga ksugun dha bi ka seejiq da.

Laqi embsrux nii wada na asi psai ruwan kama kana mhapuy ka buwax masu, hici do wada mpuruc(t) kana ka idaw masu ni skaya qdowriq kana da. Paah hiya nasi saw kmkan hiyi samac(t) ka seejiq ga asi ka mkrbuk bi ni mluk euqun seejiq ka puruc(t) uri da.

Kiya ni Utux ksun powsa dha hidaw pruyux thidaw babaw dxgal, pnsruan na seejiq. Seejiq siida do smkagun tama ni laqi musa d(thiyaq) smbu hidaw, hici do tduwa wada pcingan mndakil na laqi ka kingal hidaw, kiya ka wada ta qtaan idas sayang. Duri ni Utux ksun o pqyuxun na paru quyux dungan ka karac(t), wada daan mapa paru qsiya kana ka babaw dxgal, dhuq qdanan gsilung ka ini kgaya seejiq, kiya ka kmhuway mrix ka paru qsiya. Kiya ni smkagun sisil dungan ka Utux, miyah tmgsa seejiq shuya mgaya, sexual o niqan ka seejiq uri saw dha qaqay mksa ka tunux dha.

Kiya ni paah hiya do niqan ta gaya ka Seejiq ksun, laqi snaw ga asi ka niqan paru pahun niya mangal tunux pais ni mkla tmsamac(t), kiya ka tduwa ptasan ka pnglux ni pakun dha. Laqi qrijil(kuyuh) o asi ka mkla tminun pala ni tminun lukus ni kmaraw sapah, kiya ni tduwa ptasan dqras ni pnglux dha uri. Asi ka saw kiya, kiya ka ksun seejiq. Kiya ka tduwa mstrung ka rdrisaw ni wauwa, mhuqil babaw do kiya ka tduwa qmangaw  Hakaw Utux ni musa mseupu tuhuy Uutux rdrudan dha, saw nii ka seejiq balay ksun.

 

107 年全國語文競賽原住民族語朗讀【德路固語】 國中學生組 編號 3 號
Seejiq故事

在霧社東方的山裡有顆叫做Pusu Qhuni的巨石,是「樹的根源」之意,萬物由此誕生。最早的人類只有二兄妹,他們結婚繁衍人類。

從前的人要吃獸肉只要拔下一根獸毛;背簍與薪材會自動工作;煮一粒小米,就夠全家人吃。

一次惡作劇中,背簍被頑童給嚇死;一個貪心的人殺了整隻動物,野獸從此害怕人類;懶惰的小孩煮了所有小米,小米全變成麻雀。從此人類必須追逐野獸、自己背東西,麻雀也來跟人類爭食小米。

於是神靈讓兩個太陽輪流照射大地,懲罰人類。人類派出父子遠征太陽,最後由長大的孩子射死了一個太陽,成為今天的月亮。神靈又降下大雨,淹沒世界,直到人們把不守規矩的人投入海中,大水才退去。

神靈派出神鳥sisil來教導規矩,於是人類有了gaya,男生要敢獵殺敵人及狩獵,女生要織布、照顧家裡才能紋面。這樣的人才有資格結婚,死後能越過彩虹橋與祖先見面,成為真正的人。

文章資訊
文章年度107
文章編號3
文章組別國中
文章語別德路固語
族語標題Kari pnltulan drudan Seejiq
漢語標題Seejiq故事
文章作者詹素娥
漢語摘要