107 年全國語文競賽原住民族語朗讀【卓群布農語】 國中學生組 編號 3 號
Palkaciat malqaqanup a sinkukuza

Maca malqaqanup a sinkukuza, iciat Bunun siduq minaqabas matan kasauqbungun a sin’iqumic, sintupadau tu, pintas’a is’ang is ail’acangan mapaqusil cin pintamasaz.

Maca qanupan a dalaq ciat minungaus mundiip qanup a bunun ca u’siza’as qanupan a dalaq aiza. Amintu maca paqusilunin ca qanupan a dalaq a nani’in maqtu qalmangun munda qanup, asatu pintuza’ang is taima qanupan a dalaq natudipin maqtu mundip qanup.

Minaqabas maca maiza ca qainupan a mama’az a asatu mu’haz pasikdus bungu kahung cin vaqa, maca duma’in a asatu paqusil is maitac’an cin kakaviaz, maupa’i sintupadautu ciat qanitu is madadaingazang qabas ca makahan tasaq macaiv is maupati macial a bahi, amin tu maca cikaupa munludun qanup a nasaipukus qanitu is madadaingaz. Maca paqusil is mama’az a asa amin tu mapiszang paqusil, sintupa tu manahip patuqumic. Maqtu minahan maupati a sinkukuza taqus maikikingna tu makua ca macial han malqaqanup a sinkuzakuza.

Minvaivin ca sin’iqumic laupata, maca munludun qanup a, tis’uninis namaqtu isbaliv han kakaunan qaising pahuvai’is cui, anaqat daqdaqanin haiza ca bunun munluludun qanup, ukain’is matusamu palkaciat malqaqanup a sinkukuza, tis’uni minmaupinta ca bunun haip a, mataqdutin ca Sihu tu ni’in qalmang munludun qanup, anaqat mu’hazin ca bunun kamiming munludun qanup laupata. Amin tu altupat maiza ca qainupan a mama’az ni’in amin qalmang macaiv paqusil is maitac’an cin kakaviaz.

Maca palkaciat malqaqanup a sinkuzakuza mangki a, taqu itun laupata a bunun tu makua macial saipuk is dalaq cin asat maqanciap madaidaz mapaqusil hana maqtu sauqabasqabas maliscial ca si’iqumic.

107 年全國語文競賽原住民族語朗讀【卓群布農語】 國中學生組 編號 3 號
布農族之狩獵文化

「狩獵」是早期的生活文化,對布農族人有其重要的社會意義,如「穩固社會組織」、「共享」及「訓練」等意義。

過去,舉行宗教儀式祈求該獵場之「Hanito」(精靈)保佑後,凡是氏族成員均使用獵場,同一個獵場被分成幾區,分屬氏族組織下的家庭。家族成員嚴禁直接進入其他家族之獵場,除非徵得該獵場的家族同意。

族人對捕獲之獵物不能占為己有,通常只留下動物的頭骨、皮、角作為紀念。布農族的觀念中,獵物分配是代表共同歡悅,互相祝福的表現。

藉著參加狩獵,認識各種植物的作用、認識星象、分辨各種動物的糞便與腳印,以及學習在山林生存的方法。有狩獵文化,才能孕育出布農族人與自然和諧的關係。

後因土地政策的施行,政府禁止狩獵,耆老希望年輕人學習以前原住民如何與大自然相處,進而將原住民的狩獵文化傳授下一代,使狩獵文化得以保存下來。因為獵人是能聽懂土地、雨和自然語言的人,沒有自私和利益,最知道分享共享的人。

文章資訊
文章年度107
文章編號3
文章組別國中
文章語別卓群布農語
族語標題Palkaciat malqaqanup a sinkukuza
漢語標題布農族之狩獵文化
文章作者黎沐恩・腦帆
漢語摘要