105 年全國語文競賽原住民族語朗讀【卓群布農語】 國中學生組 編號 2 號
Sinap is luhum a uva’az

Maiza ca tupa’un tu Balan a uva’az qabas, maca Balan dii makackac tal’ia miqumic, cia ca maqacibang malilia han acang inai.

Cikaupa ka paluntanan a ukais duma bunun sakacia Balan dii maqacibang malilia. Anaqat iskuniv Balan dii tataqu bunun tu, nanu zaku ca mantan maqacibang malilia han dalaq nastuti, ukais bunun sikazaku.

Haiza tatdiqanin tingmut, ihan mabukzavan malilia kat Balan a, mucqa a cia tintangqa sadus luhum, pismantuk acia tu, makuacuna ciat luhum ca qailic malngangaus zakun? Anaqat tupa’un cia ca luhum tu, luhum, paluntan ata malilia sadu’an tat’i nanu cima ca maqacibang?

Taunahanin paluntan a diqanin, tupa ca is’ang it Balan tu, na’ut na zaku ca lavai! Kitngaa’in paluntan a, cia Balan ca malngangaus, anaqat manahip sala ca is’ang cia. Qaitu haiza ca madadaingaz tupa tu, maqtu qa asu lavai is luhum? Antalam at Balan tu, nanu zaku ca maqacibang ana! Maqtu ak lavai is luhum.

Mingqais at Balan mukbaac maltatangqa sadus luhum tu kackukuin, nitu mananulu a, mucqa qana tiskapat is lakda, altupat macakbit ca bantac icia ha, mahiav sala ka cia mindangkaz malilia, tupa ca is’ang icia tu, na’ut zaku ca maqacibang malilia.

Taunahanin tustusvali a, muqnang at Balan tintangqa, sadu tu kingkikinuz cia ca luhum sanganang a, kuacuna malngangausin cia haip i? Mincucu’nuq ca is’ang icia tupatu, altupat malngangausas zakun haip a, nanu zaku tuza ca lavai su’un! Qaitu altupat mingqacibang mintamasaz at Balan malilia ha, na’ut halacan daingaz. Macalpu sala kat Balan tinlungqu han nastu tangic tupatu, zaku ca maqacibang sala ka bunun a, kuacuna lavai’an ak? makuacuna ni’ak maqtu lavai’is luhum?

Sidaukdaukin ca is’ang icia pismantuk a, maqanciapin a cia pismantuk tu, maca tinitini ka bunun asatu haiza’as madungdung a is’ang, nitu iskukuniv ca taiklac ciin tamasaz.

105 年全國語文競賽原住民族語朗讀【卓群布農語】 國中學生組 編號 2 號
追趕白雲的孩子

從前,有一對恩愛的夫妻,他們有一位很可愛的兒子,名為BalanBalan是部落中跑最快的人,他非常的驕傲說:「我相信,絕對沒有人可以跑的比我快!因為我是這個世界上最會跑步的人」。

有一天上午,Balan在草原上奔跑的時候,發現白雲永遠跑在他的前面。他越想越不甘心,便抬頭對白雲大喊:「白雲,我要向你挑戰,看你跟我到底誰才是最快的!」

終於到了比賽的日子,Balan一路領先。遇到了部落的老人家,他們哈哈大笑的說:「你怎麼可能跑的贏白雲,別傻了。」

Balan繼續跑到平原,他抬頭看到白雲還在他的後面。他一邊偷笑一邊心想:這場比賽我贏定了!

跑到中午時,Balan發現白雲在自己的前面,他便開始追,但他每次抬頭,都發現白雲領先他許多,不管再怎麼追,也追不到。Balan好難過,便坐在地上放聲大哭:「為什麼是我輸?為什麼我追不到白雲?我明明是跑最快的人啊!」

他終於知道,每個人都有極限,在自然面前應該謙卑。

文章資訊
文章年度105
文章編號2
文章組別國中
文章語別卓群布農語
族語標題Sinap is luhum a uva’az
漢語標題追趕白雲的孩子
文章作者黎沐恩・腦帆
漢語摘要