104 年全國語文競賽原住民族語朗讀【恆春阿美語】 國小學生組 編號 2 號
O pisimsim to kongko-- o lotong ato malitengay 

Ira ko tadacisida’itay ko faloco’ a malitengay Itiya ho, yo cecay a romi’ad, mifaliw to semot i omah cingra, toya mamaharek ko kamawomah nira i, satepotepo saan ko ’orad, tangsol comikay tayra i raeno no kilang a mikilidong mitala to kasa’esa’ no ’orad cingra. Ya pitatala to kasa’sa’ no ’orad cu:wa pahanhan a mi’a’esing cingra, dengkini, sadak sa ko cecay a lotong mipacaedong to riko’ cingraan. Mahalek i keriden noya lotong tayra i loma’ ningra. Patahekaen noya lotong koya malitengay to kakaenen a paholol. Ya kakomaen noya malitengay i, matengil ningra ko pikakoec no ina noya lotong, saka miala to tarod a camel pakaenen ningra ko wina noya lotong dengkini adah sato ko pikakoec noya wina no lotong. O olah noya lotong toya malitengay i, patelong han ningra koya malitengay to cikawasay a hatapes. Onini hatapes teli han ko cecay a felac, siwasiw han a mitapes. Adihay to ko masadak a felac han noya lotong, mansa tahada’oc cuwa to ko mamanikaw to kakaenen koya malitangay.

Harateng han no mita kona kimad, ano cuwa patadoen noya lotong kora malitengay i, maadah ko adada no wina nora lotong saw? ano cuwa patadoen noya malitengay kora wina no lotong i, pakalayap to hatapes kora malitengay to sakaecaaw kanikaw to kakaenen tahada’oc saw?

Harateng han kona demak, tada misalamit i faloco’ no ’Amis ko sopoc nona “ O lotong ato malitengay ” a kongko. Itiya ho i niyaro’, o kapahano ma’araw ko ci’inilongay to karetengay a kasoy anca o ’inolong to manmaan, “ Ama faki kako ko mitamolong ” sa pasowal; roma i, citama’ ko mi’adopay malitemoh ko malitengay i lalan, cuwa kaeca ka pafatisen to fongoh no tama’, dengan o nikanga’ay no faloco’ nira ato palada’ a cecay mapatadotado, saka o niyaro’ay a tamdaw maainiini ko finawlan to nikasopoc ko faloco’, o hatiniay a ’orip ko sakalemed ato salipahakay a finacadan.

104 年全國語文競賽原住民族語朗讀【恆春阿美語】 國小學生組 編號 2 號
猴子與老人讀後感

有一位樂於助人的老人,一天,他在田裡割草,工作快結束時忽然下起大雨,他趕緊躲在樹下。等待雨停時一直打噴嚏,這時來了一隻猴子為他披上衣服,並邀他到山上的家,招待他許多食物。

吃飯時,老人聽見猴子母親咳嗽不止,於是他拿出藥材給母猴吃,母猴的病因此好了。猴子好高興,贈送老人一個神奇的篩子。篩子裡放一粒米,便能篩出許多米,老人家一輩子不愁食物。

「猴子與老人」故事的精神與價值,永遠存在我們心中。心存善念的價值觀呈現部落互助和分享的文化,這樣的生活是快樂的。

文章資訊
文章年度104
文章編號2
文章組別國小
文章語別恆春阿美語
族語標題O pisimsim to kongko-- o lotong ato malitengay 
漢語標題猴子與老人讀後感
文章作者楊美妹
漢語摘要