106 年全國語文競賽原住民族語朗讀【汶水泰雅語】 國小學生組 編號 3 號
tinqalangan na’ Tabilas

qaysun na’ Luliyung na’ Linax ku’ tinqalangan na’ Tabilas ru Tinnabulan. cucunga’ ka kal ka qutux kabhul ga,gawng na ku’ Luliyung na’ Linax. pinkasiunan na’ kakahuniq ka qaqitihu ku’ Luliyung na’ Linax. minnatikay ru ikhi ku’ luliyung gi pasiunan na’ ani nanuwan na’ kakahuniq ku’ luliyung.babaw niya’ la ga muwah ku’ kagu ka rahuwal maymag ’i’ psibuka kahabag ku’ batunux ru masiluhi kahabag ku’ rawrawq. asi la ga baru hayhay ku’ qusiya’ ru hawrun niya’ kahabag ku’ kakahuniq i’ luliyung la.

tinqalangan na’ Tabilas ru Tinnabulan ka qaysun na’ Luliyun na’ Linax.micacka na’ luliyung ga kiya’ ku’ lalapak ka asiga pacilha na’ kanayril.kinnakian na’ Gipun i’ cunga.magiyai’ ku’ Ggipun la ga, sayugun nku’ qutux ka siputu’ ’i’ malahang la. tiku siputu’ ka suminayu’ ka yani ga, sia’icuwan na’ Utux na’ Gipun. mina tatububunan na’ Gipun cunga ru situbun nha’ la. nababalaiqun nha’i’ kabalay ku’ tatububunan ka hani.  sisiwal nku’ Utux na’ Gipun la.babaw niya’ la ga, ini sia’icui na’ Utux na’ Gipun ru balaiq ku’ kinqaynux nha’ la.

lalalingay na’ ragragiyax na’ tinqalangan na’ Tabilas.kiya’ ku’ usaying ka capaang a’ ibabawiq na’ ragiyax ga, Camaputing ru Tinul ku’ ralu’ nha’. kitihu ru mamawasiq ku’ kakahuniq.balaiq ’i’ talan cubalay.mana’aring cu tikay ga,mati’ kuwing ’i’ maglug’i’ yaba’ mu ’i’ musa’ ’i’ qumaluwap.payux a’ qaqasinug ’i’ manbahag ’i’ kiya’ ru kuwikuwi’ wiy ga muwah’i’ humihip cu’ pahpah na’ kakakiman. gabagan ga,musa’ kuwing ’i’ lumanguy i’ luliyung.tatalan ku’ qulih kiya’ piyax piyax ’i’ lumanguy cku’ bih mu.maqas kuwing cubalay.

tinqalangan na’ Tabilas ga, ilag cubalay i’ kakian ru kinbalaiq na’ kisiliq wiy. iqat mu a’ungii’ kariariax ku’ kinqyanux ka sinbil na’ nanabakis ka balaiq na’ kakakian ka hani.

106 年全國語文競賽原住民族語朗讀【汶水泰雅語】 國小學生組 編號 3 號
圓墩部落

早期汶水溪只是一條小小的野溪,河床布滿各式樹種使原本窄小的河床更加窄小,後來發生地震引發山崩,洪水成災,樹林全被沖倒。

河床中間恰巧有一塊巨石,過去曾經是日本人居住的地方,後來客家人居住在那,曾受到日本人靈魂的嚇阻,透過祭拜,就不再發生稀奇古怪的事。

圓墩部落山脈環繞,有兩座特別高聳的山為鳥嘴山和虎頭山,青翠茂密、景色宜人。

我從小跟著父親打獵,看見各種動物、昆蟲及花草樹木。夏天時,會到河邊游泳,魚群就在身邊游來游去。

圓墩部落景色優美,住在此地令人心曠神怡,是個讓人不會忘記的美好之地。

文章資訊
文章年度106
文章編號3
文章組別國小
文章語別汶水泰雅語
族語標題tinqalangan na’ Tabilas
漢語標題圓墩部落
文章作者林成遠
漢語摘要