105 年全國語文競賽原住民族語朗讀【汶水泰雅語】 國小學生組 編號 2 號
yaya’ mu

lungulungun mu cubalay ’i’ yaya’ mu. ani lumuwag, ani ini luwag, ini niya’ kaicug. ani humicuwa ga, gumualu’ cubalay cu’ ululaqi’ niya’. qutux a’ lungulungunniya’ ka capang na’ rahuwal na’ waw ga, ukas a’ buwax ru naniqun i’ imuwag. ani ma’uway ru imuliq na’ waw ga, ini niya’ baqani’ ’i’ cuquliq asi niya’ patuwawun nanaq.ulung ’i’ yaya’ mu cubalay. mnahway cami ’i’ musa’ ’i’ matas. mnahway cami ’i’ maglu’ ru ini cami papsugagay. mnahway cami ’i’ balaiq na’ kinqyanux wiy.

kiya ku’ qutux cu’ riax ga rakapun na’ summuatu’ na’ mawxa ku’ ulaqi’ niya’. mamati’ cubalay a’ quwalax ru bayhu. atu na gumualu’ cubalay cu’ ulaqi’ ’i’ yaya’ mu. ini niya’ baqibaqi’ cu’ humaynas ku’ kinmakilux nku’ qumisuwan mu na’ kanayril. nanu yani saluwan la ru sipanga’ niya’ ku’ qumisuwan mu mu na kanayril. ani mamati’ ku’ quwlax ru bayhu ru ani makagu’ ru ani masiluhi’ ku’ raniq ga, ini ka’icug ’i’ yaya’ mu. asi niya’ rasi nanaq ’i’ pakital cu’ mawxa nku’ qumisuwan mu na’ kanayril.

na’ kanayril. ani ukas a’ galgalgan ka kulu’ ga, asi hakay ’i’ musa’ ’i’ pakital cu’ mawxa nku’ qumisuwan mu na’ kanayril. subilun cami niya’ kahbag i’ imuwag ka ululaqi’ ru asi cami pacpung cku’ ginnualu’ nku’ Yaba’ Utux Kal. iqat mu anabahgun ’i’ umungi’ ku’ makasu ni’ yaya’ ka pinnanga’ niya’ cku’ qumisuwan humaynas cu’ usayng cu’ riax la ga. maymaw ’i’ sikaqil na’ kisiliq ’i’ numaga’i’ yaya’ kinku qumisuwan mu na’ kanayril. tayhuk cu’ gabgabiyan la ga, talan niyam ’i’ yaya’ kinku qumisuwan mu na’ kanayril. ini pangani’ ni’ yaya’ mu ku’ qumisuwan mu na’ kanayril la. lawkah la ru maymag ’i’ mawiwi’ cku’ tiputingan ni’ yaya’ mu. maqas cami ka qutux cu’ imuwag la. sawni la ga, baqun mi cubalay ’i’ yaya’ mu ka gumualu’ ’i’ cami ru bayqan cami niya’ cu’ ginnualu’ nku’ Yaba’ Utux Kal.

 

105 年全國語文競賽原住民族語朗讀【汶水泰雅語】 國小學生組 編號 2 號
我的母親

我的母親不管有沒有錢,不管發生什麼事,她都不會害怕,也很關心孩子。她掛念家裡有沒有米和食物,即使勞苦和重擔,也絕不轉假他人之手,總是親力親為,我們才可以好好上學,擁有美好的生活。

有天發生傳染病,屋外大風大雨,她掛念著高燒中的姊姊。天剛微亮,媽媽背著姊姊看病,我永遠不會忘記媽媽的背影,即使刮風下雨、山崩土落,她仍堅持帶小孩看病。

兩天後中午,我看到媽媽以及尾隨在媽媽身後活潑亂跳的姊姊,我們全家都很高興,時至今日,我仍記得媽媽對我們的關心,以及上天給我們的祝福。

文章資訊
文章年度105
文章編號2
文章組別國小
文章語別汶水泰雅語
族語標題yaya’ mu
漢語標題我的母親
文章作者林成遠
漢語摘要