107 年全國語文競賽原住民族語朗讀【都達語】 國小學生組 編號 3 號
Sapah pyasan

Sapah pyasan saan ta smluhay ana manu. Sapah pyasan duma o way daya dwiyaq, duma o way ssiyaw ucilung mi alang paru brnux, ana inu qulung bay niqan sapah pyasan ka saya.

Sapah pyasan niqan egu balay malu slhayan mi plahan uri. Niqan egu kluwan qhuni way hmaan ruwan sapah pyasan, sow ka qhuni harung, qhuni qowlic, qhuni dara mi qhuni raus uri, malu balay qtaan, malu balay sknxan ka buwihur na. Kiya mi kuxul bay yahan matas lqlaqi mi tlangan risaw mi kksan rdrudan kddiyax ka sapah pyasan.

Sapah pyasan niqan mpqlahang, niqan mptsa, niqan laqi mpatas, niqan ka mpkaraw mi mpchada uqun uri. Way msupu sapah pyahan kana, ida niqan nanaq kngkingal oda daha. mptsa o niqan egu kluwan sediq, niqan ka Sediq Balay, niqan ka Bunun, niqan ka Pmukan mi Maqai mi tlu uri. Dhiya o ida mdrumuc bay tmsa mi muwalu balay lqlaqi mpatas kana.

Sow saya, egu balay ka sslhayun saan sapah pyasan, sow ka smluhay matas patas, smluhay muyas uyas mi rmri mi rmicuh patas, smluhay wwaya

ooda sapah pyasan, kika mkla kana elu kari “ Pnsediq mi pnooda ”. Uxay wana sow nii ka slhayun lqlaqi mpatas saya, smluhay kari ta nanaq Sediq mi knkla mi waya rdrudan cbiyaw uri.

Yaku wa malu bay utux mu, niqan ku kingal mdudu bay munan pusu mpqlahang sapah pyasan, dmudun bay munan kddiyax “ Malu bay qbhangan ka hnang kari rdrudan Sediq Balay, kbyaxi smluhay, iya bay laxi smluhay ha. Yasa way ruwan ha kana ka knkla rdrudan cbiyaw, kiya mi saya do ana nanaq sapah pyasan alang daya dwiyaq, ana nanaq sapah pyasan alang paru brnux, qulung pniqan ka saan smluhay kari Sediq Balay, kari Bunun mi kari Atayal uri, niqan ka slhayan kari Pmukan mi kari Maqai uri.

 

Kiya mi yaku saya wa kuxul mu bay ka sapah pyasan mu, spruun mu bay ka pusu mpqlahng mi kana ka mptsa uri. Mqaras ku bay thuy lqlaqi mpatas musa sapah pyasan kddiyax.

 

107 年全國語文競賽原住民族語朗讀【都達語】 國小學生組 編號 3 號
學校

學校是我們學習事物的地方。有的座落在山上,有的在海邊或都市。

學校有很多學習的地方和遊戲區,種植很多樹木,如松樹、杉木、楓樹與青剛櫟,非常美麗。學生可以來上課、年輕人來跑步、老年人來散步。

學校有校長、教師、學生、工友,還有廚師,每個人都有自己的任務。教師有多族群,有賽德克族、布農族和漢人。

要學習的東西有很多,譬如讀書寫字、學習唱歌跳舞、畫畫,學習團體規範,才能懂得「做人、做事」的道理,還要學習自己的族語和傳統文化。

我有一位積極推動族語的校長,他說:「祖先的聲音很好聽,要認真學好,因為祖先的智慧深藏在語言裡。」

不論是山上或都會區的學校,都有開賽德克語、布農語、泰雅語班,還有學習閩南語及客家語。我很高興可以去上學。


 

 

文章資訊
文章年度107
文章編號3
文章組別國小
文章語別都達語
族語標題Sapah pyasan
漢語標題學校
文章作者伊萬納威
漢語摘要