105 年全國語文競賽原住民族語朗讀【卡群布農語】 國小學生組 編號 3 號
Maqasmava

Miniqabas sa madadengaz bunun maqasam tu, asa tu maqasmav kukuza na madia a sincucuaz, na ni tu mitsoqzang. Tupa ka madadengaz tu, ka’a tu maletaz mangai’, opa maca maletaz mangai’, na uka’ sinkukuza, na uka’ ko’nun, na minqalac na masoqzang, na calaqetun samatola’an duma bunun.

Isnava’anang cata ihan kaku’ masipul mapatas, madia ispasnava ita, madia a sipulu patasan. Maqa kaku’ a maszang ngi quma ka tu i’ita cata kukuza munququma, i’ita cata pasnava tu makua kukuza, maqa hung nga maszang ngi bangkal la tu tasa’ tasa’ qutun paqaqais palalotu, maca tal’e’an ni ismut ta, asa tu tivalvalan anpuk’un pistaba’un, kuci’an tanga’ kanlakda’ i lakda’ mavail, maca maletaz mangai’ cata na mismut ta quma, na ni tu tal’e’an ni tu kalac ca sincucuaz, opa asmingun matulezu mataz.

Maqa ikma’e’un han kaku’ qemangsut ta, maszang ikma’e’un han quma tu kavung tanga’ palangan. Maca uka’ a qemangsut ikma’e’un, na ni cata maqtu kukuza, macamaletaz mangai’ masipul mapatas sa, na maszang ngi via cin kavung tanga’ tu na binangun mupangil, na ni’in maqtu iskucia, mopata amin cata, maca ni tu maqasmav mapatas masipul, na minqetmal amin na imita is’ang cin bungu’.

Maqasmava han kaku’masipul pasnava’, maca ihan lumaq maqasmav amin. Madia han lumaq qa kukuza’un, piningzav vi lumaq, ma’asik bukzavan, maqesqes pangka, pit’ia qesing mahanat pan’e’an, masinav sanglav, masinav baluku qaltic taku, mapac’aq pavali’ matipul huluc, matipul tapaha’, maca iskalunan tamatina, asa tu misna’is’ang kukuza.

Malopaku ka uvava’az za, kamani tu latuza tan’a icia madadengaz tu qalinga, malas maletaz mangai’, ni tu asa iskalu’nan, ni tu masasabaq somaqmut sadu’ tilivi, ni tu patas si patasan, ni undangkazan tingmut, laqani’an masabaq lucbut halacan munhan kaku’.

Tupa ka madadengaz qabas tu, maqa maletaz mangai tu bunun na, na ni tu unahipan miqumic, pangqa asa cata tu maqasmav.

105 年全國語文競賽原住民族語朗讀【卡群布農語】 國小學生組 編號 3 號
要殷勤努力

父母親教導我們,認真工作就不挨餓。長輩警告我們,我們懶惰,就沒有工作,會被人瞧不起。

學校好比是我們的農田,我們在那裡工作。書本好比是農田的土地。農田長滿雜草,必須把雜草拔除燒掉;如果都是石頭,必須把石頭挖掉。假如我們懶惰,農作物會被雜草掩蓋,無法生長結果,最後枯萎而死。

文具好比鐮刀和鋤頭。如果沒有農具,我們就無法工作。懶得用筆寫字,就好比鐮刀和鋤頭生鏽、鈍掉不能用來做工,心智也會遲鈍。

在學校認真,在家裡一樣要認真。我們要牢記前輩的話,要得到幸福快樂的生活,就必須認真地工作。

文章資訊
文章年度105
文章編號3
文章組別國小
文章語別卡群布農語
族語標題Maqasmava
漢語標題要殷勤努力
文章作者全茂永Atul
漢語摘要