107 年全國語文競賽原住民族語朗讀【德路固語】 國中學生組 編號 1 號
Kndusan Nantingkr

Nantingkr ga pnaah klwaan Ingkwo ka hiya, mntucing klwaan Itari Forworuns ni hngkawas maxal maspac kbkuy empusal(1820) idas rima(5) jiyax maxal dha(12) ka hiya. Kndadax laqi ciway siida, ida kmusa balay qmpah quri qmlahang mnarux seejiq ka Nantingkr nii, ini bi srwayi tnsapah na musa qmpah qmlahang mnarux seejiq ka Nantingkr nii. Kiya ka ini lgeelu muda ana manu ka hiya. Bitaq mtrul hngkwasan na do ungac(t) brahan knttu tkrmun ka lnglungan eusa na qmpah dmayaw sejiqun. Kiya ni musa smluhay euda qqpahun qmlahang mnaruh seejiq. Babaw mnhdu sluhay do wada skgulun spuhan dqrijil, ada ka malu bi lnglungan na ni paru bi gnealu na sejiqun, kuxul balay ana ima ka hyaan.

Ini qbsiyaq do gisu mssbu paru ka klwaan dklealang, wada na qtaan ka paru bi hnqilan seejiq ni nnaqih bi endaan mssbu dnii. Kiya ni hiya ga smruwa nanaq musa klealang ssbuan hiya, saan na qmlahang ka mnluqih na empsaping. Yasa ini bi sangay kdjiyax ka hiya, kiya ni thmkuwan dha balay ka Nantingkr nii, hiya ka pusu bi stamaan dha lnglungan siida.

Ada ka bsiyaq balay knuwic na qmpah ka Nantingkr, ini kbiyax ni meuwic(t) kdjiyax ka hiyi na ni rngagan dha balay “ ksangay hari wah! ” kdjiyax ka Nantingkr. Smiyuk rmngaw ka hiya, saw balay harung rmdax ka kndusan ta ita seejiq, ita seejiq ksun ga asi ta ka mqlahang bi trdax nanaq ni empkrdax seejq, uxay bi ka embsurux da! Saw nii ini ksnanaq sejiqun, ini knlealang ka hiya, ana knuwan ana inu ida gaga hiya sblayiq balay qmlahang. Kiya ni tnhiqan na seejiq ga smkuxul bi hyaan kana. Hngkawas maxal mngari kbkuy maxal(1910) siida, wada qulung msangay ka qbubur na da. Hici do iyux bi pthmuku hyaan ka seejiq, seangal dha jiyax pncingan na idas rima jiyax maxal dha ka “ Smiyan kwoci huse ”.

Pnhyugan Nantingkr ka huse ctu sayang, bnegay na ni genalu na seejiq nii ga, naka ta blyaqun bi smluhay ni snegulun ka nii. Quri snruan kari Nantingkr nii ga rmngaw tnan, tluus lnglungan mgay gnealu ga kika dungus bi knmalu kndusan, yasa wana sluhay mgay endaan na o, kiya ka mkla gmealu sejiqun, mkla bi saw “ paru bi dungus bi gnealu ” kndusa dxgal hini.

107 年全國語文競賽原住民族語朗讀【德路固語】 國中學生組 編號 1 號
南丁格爾的一生

南丁格爾從小就非常嚮往護理工作,由於家人反對而遲遲沒有行動。直到三十歲,她毅然決然接受護理教育訓練,之後被分發到婦女醫院服務,由於她的熱忱與愛心,受到各方好評。

不久,戰爭爆發,她目睹到戰爭的殘酷。於是她自願請調至戰區服務,每天日以繼夜不斷工作,照顧受傷士兵,成為大家的精神支柱,士兵和軍官深受感動。

由於長期勞累,南丁格爾的健康每況愈下,身邊的人都勸她要多休息。她卻說,人生就如蠟燭,應該守本分地燃燒自己照亮別人,怎能懈怠!這種不分民族、地區,只要需要她,她就在哪裡的精神,感動了周遭的人。這位偉大的護士在西元1910年逝世,後人為了紀念她,便將她的生日制定為「國際護士節」。

南丁格爾是近代護士制度的創始人,她犧牲奉獻的精神更值得後人學習。她的故事告訴我們,真誠付出是一種幸福,只有學習如何付出愛心才會懂得真心對待他人,明白到「愛的真諦」。

文章資訊
文章年度107
文章編號1
文章組別國中
文章語別德路固語
族語標題Kndusan Nantingkr
漢語標題南丁格爾的一生
文章作者詹素娥
漢語摘要