105 年全國語文競賽原住民族語朗讀【德路固語】 國中學生組 編號 1 號
Kndusan Nantingkr

Nantingkr ga pnaah isil klwaan Ingkwo ka hiya, mntucing klwaan Itari Forworuns ni jiyax maxal dha idas rima hngkawas maxal maspac kbkuy empusal ka jiyax pncingan na. Kndadax laqi ciway siida, ida kmusa balay qmpah quri qmlahang mnarux seejiq ka Nantingkr, ida ini bi srwayi tnsapah na seusa na qmpah qmlahang mnarux sjiqun.

Kiya ka kiya ni dhuq mtrul ka hngkwasan na do, ida ini lgeelug ka lnglungan na, musa bi tkrmun smluhay quri knkla sqlahang na mnarux seejiq. Babaw mnhdu sluhay do wada skgulun spuhan dqrijil, ada ka malu bi lnglungan na ni paru bi gnealu na sjiqun, kuxul balay ana ima ka hiya.

Ini qbsiyaq do gisu mssbu paru ka klwaan dklealang, wada na qtaan ka paru bi hnqilan seejiq ni nnaqih bi endaan mssbu. Kiya ni hiya ga smruwa nanaq musa klealang ssbuan hiya, saan na qmlahang ka mnluqih na empsaping. Yasa ini bi sangay kdjiyax ka hiya, kiya ni spruun dha balay qmita ka Nantingkr nii, siida hiya ka pusu bi stmaan dha lnglungan.

Ada ka bsiyaq balay knuwic na qmpah ka Nantingkr, ini kbiyax ni meuwic kdjiyax ka hiyi na ni rngagan dha balay “ ksangay hari wah! ” ksun dha kdjiyax ka Nantingkr.

Siida smiyuk rmngaw ka hiya, kndusan seejiq ksun o ida saw harung rmdax sjiqun, ita seejiq ksun ga asi ka trdax kjiyax ni mpkrdax seejiq, uxay bi ka embsurux da wah! Ini asug knklgan seejiq, ini asug knlealang ka hiya,  nasi niqan qlhangun seejiq o ana knuwan ana inu ida qulung gaga hiya qmlahang mnarux seejiq ka Nantingkr. Kiya ni kana ka tnhiqan na seejiq ga ida smparu bi qmita hyaan kana.

 Hngkawas maxal mngari kbkuy maxal siida, wada pnama msangay ka qbubur Nantingkr da. Ida krwahun bi seejiq babaw dxgal ka hiya. Kiya ni hici do iyux bi psthmkuan seejiq ka biyax na do, thnganan dha “ smiyan kwoci huse ” ka jiyax pncingan na jiyax maxal dha idas rima da.

Pnjingan phiyug Nantingkr ka huse ctu kmxalan, bnegay na ni genalu na seejiq nii ga, naka ta bliqun bi smluhay ni snegulun. Quri snruan kari Nantingkr nii ga tmgsa tnan, tluus lnglungan ni mgay gnealu o kika dungus bi knmalu kndusan, yasa wana smluhay shuya mgay gnealu, kiya ka musa mkla gmealu sjiqun babaw dxgal, musa mkla kari “dungus bi gnealu ” kndusa babaw dxgal hici.

105 年全國語文競賽原住民族語朗讀【德路固語】 國中學生組 編號 1 號
南丁格爾的一生

南丁格爾從小就非常嚮往護理工作,由於家人反對而遲遲沒有行動。直到三十歲,她毅然決然接受護理教育訓練,之後被分發到婦女醫院服務,由於她的熱忱與愛心,受到各方好評。

不久,戰爭爆發,她目睹到戰爭的殘酷。於是她自願請調至戰區服務,每天日以繼夜不斷工作,照顧受傷士兵,成為大家的精神支柱,士兵和軍官深受感動。

由於長期勞累,南丁格爾的健康每況愈下,身邊的人都勸她要多休息。她卻說,人生就如蠟燭,應該守本分地燃燒自己照亮別人,怎能懈怠!這種不分民族、地區,只要需要她,她就在哪裡的精神,感動了周遭的人。這位偉大的護士在西元1910年逝世,後人為了紀念她,便將她的生日制定為「國際護士節」。 

南丁格爾是近代護士制度的創始人,她犧牲奉獻的精神更值得後人學習。她的故事告訴我們,真誠付出是一種幸福,只有學習如何付出愛心才會懂得真心對待他人,明白到「愛的真諦」。

文章資訊
文章年度105
文章編號1
文章組別國中
文章語別德路固語
族語標題Kndusan Nantingkr
漢語標題南丁格爾的一生
文章作者詹素娥
漢語摘要