107 年全國語文競賽原住民族語朗讀【初鹿卑南語】 國小學生組 編號 3 號
talaulepan na temakesi

“ tring! tring! ” kema maruni na patringtringan. a katalaulepan lra za sinsi zi za temakakesi harem. kemay i takakesiyan mupatraran na temakakesi, salaw vuri’awan.

kani takakesiyan mu, ulra na maekan ziya za tu kenamayan. ’alra(halra na) puwari mekan a semavalr awlra! ulra na menadamadam ziyan(ziya) semenay kana temara Puyuma lra, na temara Minkuk lra. ulra na tematililr ziya tu tatililran. alra(halra na) ’azi tu pasekazi tu tatililran adaman ziyanay! ulra ziya na maipziya za vativatiyan. ulra na ’ema’awu za zanum(’enay) kaziyu i salripi mu!

ulra na makuwa miya’a kani waditaw. kaulraulaya tu rarengain(rarengayan) za eman mu! ulra na makuwa kiputremala kaulra a tu nanayan i iyan? ulra na maverelrarelrang. penauwa za kiretrevung kana sinsi zi kikaselru. ulra na mazazikul zi ’azi lra kemianger za kuwadakuda. ulra na masiyas(maasiyas) marengay ’azi muwai pakinger za trau mu! ulra na mukuwa i watra’iyan. mahelrahelr(mahelr) nu kemakawang.

kaziyu i renarenazan mu, ulra na malalinay(melalinay) za mali, ma’ara’araw kana mali. aykiya a tu saringan a! ulra na malalinay(melalinay) za tu kalalinayan i takesiyan. sazu zi marekamenimelri na kalalinayan i tekesian. ulra na mukulukulung kazu i tralutralun, matemuy a ramram tu kiping.

haremaremay mu kinger ta za kemesikesis, nu haremaremay mu kinger ta za ’emuy’uy, nu haremaremay mu kinger ta za laliked, kurena’u a tu semangalan na temakakesi.

inku mu, marelrang mi zanku ngzyzayan(ngizayan), mukuwa mi mena’uwa za naniyam sinaleman i likuzan kana takakesian, ulra a kulang, a kadumu(kudumu), a vurasi, vitrevitraw(auvutraw) na temelriw na tralun; ’evangaw na maekan kana kulang na ’uled; na tralrevek na kulrang mu niyam lratuzay, nu eman mu, mukuwa mi mena’uwa za ’aputr. sazu na muvavakar na ’aputr, salaw ulringulr(ngulringulr).

“ tring! tring! ” kema maruni na patriyangetringan. aydaydan mulipas(mupiles) ini na muketrep pung na katalaulepan kema na temakakesi. na kazu ziya i iyan na temakakesi mu, ‘alivusvusan pavekas mukuwa tremepaya za tu takakesiyan temakesiya.

107 年全國語文競賽原住民族語朗讀【初鹿卑南語】 國小學生組 編號 3 號
下課

「鈴鈴鈴!」鈴聲響了!是下課時間,學生從教室衝出來,很熱鬧耶!此時,教室裡有人在吃早餐,有人在學唱族語歌、中文歌,有人在寫作業,有人在唸故事書,有人在喝水。

走廊上,有人去找弟妹,有人去醫務室,有人在追逐,正好被老師碰上而挨罵!有人在發呆,也許有心事!有人在說悄悄話,有人匆匆地要去上廁所。

運動場上,有人玩球,搶來搶去,流了滿身汗。有人玩遊戲器材,有人在草皮上翻滾,弄得滿身是草。

我和好朋友到教室後面,看看我們種植的青菜、玉米、地瓜。拔除長出來的草、捕捉吃青菜的蟲,長得密集的地方就間拔。有時也會去看花,花開了又香又好看!

「鈴鈴鈴!」鈴聲響了!是上課時間。「十分鐘的下課時間,怎麼過得這麼快啊!」學生說,不論在任何角落的學生,都紛紛地奔向自己的教室,上課去囉!

文章資訊
文章年度107
文章編號3
文章組別國小
文章語別初鹿卑南語
族語標題talaulepan na temakesi
漢語標題下課
文章作者張阿信
漢語摘要