105 年全國語文競賽原住民族語朗讀【初鹿卑南語】 國小學生組 編號 1 號
muruma’ i zekalr

kurelrang kantu ma’iza’izangan mukuwa kazuwa i Taipei i Sunay. muruma’ zuwa pavilunga. aramawa na ’azi pa’etreng. maranger muvilin i zekalr i Sunay mu, ’azi muwai i temamataw.

tu kiyumalray i temamataw, “ ama, sasede’ mi za tatelraw ’azi mi temakesi harem zi, karuwa ku muruma’ i zekalr? masupeng(sare’er) ku kani mulri(kani imulri) na vavayan. kazuwa ku ziya za zuwayaliyusan i zekalr, kirepailranga ku kan mulri(kani imulri) na vavayan. ’inava nu kemazu? ” ai kema temuvang i temamataw.

muitras kana mingadan za Puyuma na kisiya muruma’ i Valangaw. salaw semangal i Sunay. semenasenay zi mena’una’u i patraran. tu turuway kani temamataw, “ amanan pakavangavang kani temu. puwalrangi lra kikarun. talram menadanadam marengay zanta(za nanta) ngay na Pinuyumayan kimazayar kani temu. ” meredek i ruma’ mu, pavekas mukuwa trempaya kani temuwantaw(temutaw). meredek irum i Sunay pavekas mumu muruma’ ku lra kema zi tu kapetraw i temuwataw.

uri dadaway za inavuy i temuwantaw(temutaw) mu, tu pilralrangaw i Sunay mukuwa miya’a za rengas zi za lavilru. tu panadamaw za vulay zi za penauwa za rengas, patulre’ay mena’una’u zi kingkinger i Sunay. “ kemuda zi nu sasingaw na rengas? kemuda zi nu rukuungaw aku nirarengay? ” kema kiyumalr i temuwantaw(temutaw). “ imu, nu muveruk ku i Taipei mu, ninku nana’uwan, ninku nadanadaman marengay. ” salaw sadeku kinger i temuetaw(temutaw).

amaw ziya nana’u za demadaway kana inavuy i Sunay. semavesav za rengas; palimi’ za lavilru; mapit za tatilu’; temulutuluz za pametremetr. kurelrarelrang damaway. anu haremaremay kiyumalr; nu haremaremay mu pana’u za tu dinawayan. karasenasenay za ipanadam na senay kani temuwantaw(temutaw), anu ulra tu kina’ulidan mu, payas kiyumalr kani temuwantaw(temutaw). zi tu tililray kurena’uwan. za tu semangalan i mudingan ni Sunay.

parekazuwa lra vulan tu kinazuwan i zekalr. mukuwa kirepana’uwa za nirumaenan; mukuwa miya’a za ngayzayan(ngizayan); mukuwa kikulanga i ’uma’uma; mukuwa pakana(paekana) za turukuk; mukuwa kingera za vativatiyan. sazu lra tu kinalrazam tu kakuwayanan i zekalr, tu paatezanay za dingwa tu sinasing zi tu tinililran. pakelrazam kantu ma’iza’izangan kana wawariwari ziya. kasemangalan tu ma’iza’izangan.

105 年全國語文競賽原住民族語朗讀【初鹿卑南語】 國小學生組 編號 1 號
回家鄉

Sunay住在台北,過年才回家鄉,在家鄉的時間都很短,Sunay很想多留幾天。

搭著普悠瑪號回台東,爸爸叮嚀:「不要讓祖母煩惱,要幫忙做家事,用族語和祖母交談。」一到家,Sunay衝向mumu,抱著mumu說:「我回來了!」

祖母要做糯米包葉糕,帶著Sunay去採月桃葉和假酸漿葉,教導Sunay如何找漂亮又適合的葉子。祖母問Sunay:「妳為什麼要照月桃?為什麼要把我的話錄音起來?」Sunay說:「回台北後,我要練習說族語用的。」祖母聽了很欣慰。

Sunay幫忙洗月桃葉、挑假酸漿葉、排繩子、遞餡,跟著祖母學做糯米包葉糕。一下問祖母問題;一下把做的糯米包葉給祖母看,祖孫倆哼唱歌謠, Sunay很興奮。Sunay做紀錄,遇到不明白之處立刻問祖母。

Sunay在部落住了半個月,這段期間去拜房親戚、交朋友、田園採野菜、餵雞、聽傳說故事,學到很多部落文化,她將記錄的資料及拍下來的照片和影片,每天用手機傳給父母,父母高興地分享Sunay的快樂。

文章資訊
文章年度105
文章編號1
文章組別國小
文章語別初鹿卑南語
族語標題muruma’ i zekalr
漢語標題回家鄉
文章作者張阿信
漢語摘要