107 年全國語文競賽原住民族語朗讀【南排灣語】 國中學生組 編號 1 號
minlayap a makakalevelevan

izua a tjikelilj a minlayalayap a pacacikel i vavaw tua kasiw i palingulj ta qinaljan. ka pacun ti tjikelilj tua zua qaqayam a druriqaw a minlayalayap a makatekuteku, kivadaq ti tjikelilj tjai druriqaw a mayatucu “ kaka i druriqaw kemuda saka inika sun a minlayap a ljiyavavaw a pagalju? ” ayain. ciqiren ti tjikelilj sa tevelai ni druriqaw a mayatucu “ manu inika vavaw anan a ku si-inlayapan? sa-u pacunu azua kuka ki sun a kemaljang tu paravac anga aravac aken? ” aya.

pai sa vaik a kivadaq ti tjikelilj tua zua kuka a mayatucu “ ama i kuka, kemuda saka inika sun a minlayap a pitjaivavaw a pagalju? ” aya. manu tjemqang ti kuka sa pasulivai a temvela tjai tjikelilj  “ manu inika vavaw anan a ku si-inlayapan? sa-u pacunu azua ti bibi, ki sun a kemaljang tu paravac anga aravac aken? ” aya.

pai sa vaik a kivadaq ti tjikelilj uta tua zua bibi a mayatucu “ ina i bibi, kemuda saka inika sun a minlayap a ljiyavavaw anan a pagalju? ” aya. pai pacabecaben a iku ni bibi saka na paruzepuz a temvela “ manu inika vavaw anan a ku si-inlayapan? sa-u pacunu azua ti ngabu inianan ka paqayam a vaik a kemasi kadjunangan, ki sun a kemaljang tu paravac anga aken aravac? ” aya.

manu palemek a pacun ti tjikelilj a pasa kalevelevan, sa pacun tua qayaqayam a qadris a makavavavavaw aravac a minlayap, maljiyan a saregeman, maljiyan a saceqaljan. pai sa kivadaq ti tjikelilj tjai qadris a mayatucu “ kaka i qadris kemuda saka maqati sun a minlayap a maka vavaw aravac i kalevelevan? ” ayain. pai temvela ti qadris a mayatucu “ ini, ini, ini, nu kipapamaw aken tua kalevelevan, ini aken a padjalji anan? ” aya.

pai sa matu sepapaulingaw ti tjikelilj saqivu anga a mayatucu “ kemalja kemljangan anga ken tucu ” tu “ a timanga nuri minlayap a ljiyavavaw, nakuya a pitjaiteku a kipenetj tua kemudanga, nu tjapini tjaiteku tua liljing nua kasiw a tja sipacunan, kemuda saka maqati itjen a minlayap a makakalevelevan ” aya ti tjikelilj.

 

107 年全國語文競賽原住民族語朗讀【南排灣語】 國中學生組 編號 1 號
翱翔藍天

有隻麻雀在部落周圍的樹上飛來飛去。麻雀看到飛不高的燕子,就問:「你為什麼不飛高一點呢?」燕子說:「我飛不夠高嗎?你去看看水公雞,就知道我已經很厲害了。」麻雀對公雞說:「你為什麼不飛高一點呢?」公雞說:「我飛不夠高嗎?你看看水鴨,就知道我已經很厲害了」。麻雀又對水鴨說:「你為什麼不飛高一點呢?」水鴨說:「我飛不夠高嗎?你看看癩蛤蟆,不曾離開過地面,就知道我已經很厲害了。」

麻雀頓時抬頭看,發現遨遊於天際的雄鷹飛得好高、好有氣勢。他向雄鷹請教,「你為什麼可以飛這樣高呢?」雄鷹謙卑地說:「我飛不夠高,我還離藍天很遠。」

麻雀恍然大悟:「我現在終於明白了。如果想要展翅高飛,就不能把自己的目標訂的太低,如果眼睛只盯在樹冠以下,那就永遠不可能在藍天白雲間翱翔了。」

 

文章資訊
文章年度107
文章編號1
文章組別國中
文章語別南排灣語
族語標題minlayap a makakalevelevan
漢語標題翱翔藍天
文章作者蔡愛蓮
漢語摘要