105 年全國語文競賽原住民族語朗讀【東排灣語】 國小學生組 編號 1 號
kinivecikan na sePayuan

NuPayuan nu Drekay,na masan picul mamazangiljan a kivecik pita kacavacavan. a kinivecikan izua ita varung, ta uqulj, ta kaljakaljatan ta valjangaljanga. zua na caucau na qulu na qatjuvi a vecik. saka avan a tadjamuqan na mamazangiljan a maqati a kisedjaljep. aicua namaitucu a kakudanan na vencik ta kacavacavan se paljiazua a maseljud pitua sikudan a nanemangamanga. paruta lalang na kava, lalang na qulu, lalang na djapalj… si pakatua galiljegiljegilj a caicaing, sa pacacaicaingi a padjekec ta kava a mareqecev a quljau. nu kipapacun a na kipautez a mirava mamazangiljan, aza na saceqalj a matu seringsering a zaing na kisacalinga taqaljaqaljan a caucau, “ macaqu a semenay a kava ” aya tiamadju. avanakay a “ na sepulingetj a senay i kacauan ”, saka a caucau paqulid tu kitevelj ta kadjunangan a semenay, kina mapatjesazek a bulayan, avan nu sika tjenglay a kialalang a sikinemeneman niamadju.

Ikavan a lalang na kava sakamaya, a djilung, garaljigalj, qeluz, valji a qaciljay, cukuy a kasiu, inika madjulu a namaitucu a vecik. a kakudanan a mamazangiljan sinananguq a lemaulj a penuljat a bulayan a nanemanemanga. tucu ljaki na sekialap anga tjuruvu ta kakudan a kasi sasau, sa kitjukuda i qinajan a malizuk a kitju kakudan, iniangaka na mapatesazek a sikilalaingan ta kadjunangan kata ngadan na mamazangiljan, ljakua na paqaljay sakamaya ta mamazangiljan a taqaljaqaljan.

A sikivecikan ta kacavacavan na payuan na macacaing a tjaucikel na qinaljan, na kialap ta pukeljang na mamazangiljan kata kinacemekeljan. paru: a sevalitan avan nu a sini pualjak na qatjuvi pita djilung kata na venuak ta qecilu na qadau. a tjaivilivililj kivecik ta vecik na qatjuvi, na djilung kata na qadaw a vecik, sipavecik ta vecik na qatjuvi a kacavacavan na payuan. a kivecik ta kacavacavan kinitju ngadan na mamazangiljan, tu sipakeljang ta kinavavau a ngadan niyamadju.

105 年全國語文競賽原住民族語朗讀【東排灣語】 國小學生組 編號 1 號
排灣族紋樣

紋身是貴族的權力,部位多在胸部、背部、手腕和手臂,有人形紋、人頭紋、蛇形紋。紋身文化延伸使用在生活的機能用品上,像是服飾、頭飾、腿飾透過珠綴銀片或對色拼貼的串聯縫在布衣上。

除了服飾,舉凡陶甕、門楣,屋中樑柱,還有石板、木桌都少不了這種紋樣。貴族機制確實讓排灣族保存了完整的文物藝術。現在雖然很多人受到外來文化的影響而離開部落到都會生活,貴族支配領地的權力也不再那麼完整,但基本上對貴族家庭仍然維持相當的尊重態度。

排灣族的紋身圖樣與部落傳說相關,採用的是頭目或氏族的標誌。例如頭目的祖先是蛇生陶壺或太陽卵生,後裔便會刺上蛇紋、陶藝紋和太陽的紋飾,排灣族也曾利用百步蛇紋來紋身。紋身是貴族的特權,藉此來顯示自己的尊嚴。

文章資訊
文章年度105
文章編號1
文章組別國小
文章語別東排灣語
族語標題kinivecikan na sePayuan
漢語標題排灣族紋樣
文章作者高光良
漢語摘要