105 年全國語文競賽原住民族語朗讀【霧台魯凱語】 國中學生組 編號 1 號
ngiavelevele ala ikay ku luludane

yakay ku tadrusa ku wamwa kipasilape ki Twaumase, kibulru ki Twaumase watumane madu si la asasiakawlu, ku Twaumase la sikawlu liniane mwa kudra ki taluvale ka maelrenge ka lregelrege lriilriw, si maketekete lu taramangealenga ka cayli tamadredresengenga  iya.

kwini lalasu latarudradrusa katuase darururu kaliduudu ki lregelrege, ladreele kakadrua ku navaevanga ku angatu ku naubulunga ku wacebecebe. kwini tadrusa la kaipakathariri ku kidremedreme. ku tangea la akulalisi la katuase. ai kwini tangea la katuase mwa ki drumane ki lregelrege la malra ku maiyakaykay ku madru ku sapaivay, la malra kwini si paivay pwa kwini ki maapausu ka lregelrege. sa tara mangealenga ka cayli, ku Twaumase la dawlu kwini ki tadrusa, kivaavaga ku tangimiamianenga kwini ki lregelrege.

“ kaidu maka wathingale, alaka yakay ku paramia kay ku takaapusane ku lregelrege, kadrua ku nataluvale ku angatu, kadrua ku nariciricingane ku ubulu. ” kwini lasu akuiya ku vaga ini.

“ uunu, saka siaswalane ki mangela ka cayli puuguugusuana ka lregelrege. ai kay kameanenga, amaninga kwidra masaleese ka lregelrege. ” la iya kwini tangea.

“ ala maka ngimia kwini? ku puuguugusu ku lregelrege lrika takasakamianene! ”

“ kwini siasasaanane ku takapuugugusane, sana kivelevelane si alra pakamaelane, paivay ku sapaivay ki angatu, lri tara ceebe ku laangatu, saabulu ku sapauvay ki ubulu, lri alraelrenga ku cebecebe. ”

ku Twaumase la tangelre kasaasa, la iya kay kwini ki mwasakadrusa, “ amaninga su ku asasiakawlu. ”

kikay ala amani kwidra puku ki takatwasane madu ngivelevele pangimia. sana ngivelevele su, lri duulru su asasiakawlu. sana kaidu sulusuludru tarangiamia.

lu pusamalramalra ta ki druma ku tapangiesadhane, tangikakivaga pathagilingana kuiya. alaiyasi kakadruana, kirimuanga kayasaasane! makadruadrua ku ngiavelevele ki piakidremedreme, ku lrekeme kailri veavetha mulebe, kathaane lu ngivelevelane ka lri pangiesay maduane.

105 年全國語文競賽原住民族語朗讀【霧台魯凱語】 國中學生組 編號 1 號
行動創造價值

有兩個人請教上帝如何成為天使,上帝派他們到一座高山上考察,約定十年後相見。

他們攀上山頂,發現整座山沒有任何草木。一人憤然離去,另一人則去採各種種子,到荒山播種。

十年後,上帝接見兩人,詢問山的情況。一人抱怨「世上竟有如此荒涼的山,什麼也沒有。」

另一個人說「十年前的確是一座荒山,但它現已是一座青山。」

「怎麼會?荒山永遠是荒山啊!」

「那只是暫時的,只要我們播上樹種就長滿樹,播上草種就會長滿草。」

上帝欣慰地點頭,對第二個人說:「你已經成為天使了。」

這就是行動的力量。只要行動起來,你就可以成為天使。

一個青年問日本推銷之神原一平如何做好推銷時,他說:「答案就在這裡。」語畢,他脫下襪子,「你來摸便知。」青年驚訝地說:「這麼厚的老繭!」

原一平說:「沒有甚麼秘密,只有堅持不懈地行動。」

當我們羨慕別人的成功時,我們該捫心自問是否已經開始行動,如果沒有,那讓自己開始行動吧!

 

文章資訊
文章年度105
文章編號1
文章組別國中
文章語別霧台魯凱語
族語標題ngiavelevele ala ikay ku luludane
漢語標題行動創造價值
文章作者鍾思錦
漢語摘要