104 年全國語文競賽原住民族語朗讀【宜蘭澤敖利泰雅語】 國小學生組 編號 3 號
payat sswe mlikuy

cyu utux sali maki alang ga payat sswe naha mlikuy, ana mtna utux yaba yaya naha ga ini ci ptna kwara knba’an naha mtiyaw.

te utux suyan ci mlikuy ga mngiyat calay mtiyaw ru ini hmut hmiri pila. kwara ptyawun sali ru mayah ga ba’un nya mtiyaw kwara. yaba yaya nya ga stman nya ci te utux suyan la’i mlikuy hani. baha mcwa, kwara ni’un pagay, kwara nuhi rami, kwara biyak ru welung ni’un naha ga kahun te utux suyan mlikuy kwara.

te sa’ing sswe mlikuy ga ba calay m’was biru. ana knwan texan su ga cyu si kita biru. kahun nya mita biru ga piyux calay ba’un nya yaw babaw uraw. ana mosa inu yaba yaya nya ga si nya rasi mluw mosa kryax. baha mcwa, ana lalu yaw ga maki beh yaba yaya nya ku te sa’ing sswe mlikuy haca lga ini knkux lungan nku yaba yaya nya la.

te tugan sswe mlikuy ga ba calay kle sali. ima smoya kle sali kwara alang naha ga hiya kwara wahan naha hkani. ana sali semento, ana sali tecyu, ana sali khoni ga ba’un nya kle kwara. sali na yaba yaya nya ga knle nku te tugan sswe mlikuy kwara uyi.

te payat sswe mlikuy ga ba calay tmahok ana lalu nni’un. ana tmahok syang ksinu, ana tmahok kwara ramit nuhiy mayah ga, ble calay ni’un kwara. smoya mani ana nanu ni’un yaba yaya nya ga, ba’un nya kle tmahok kwara.

kwara payat msswe mlikuy hani ga ini hmut mcayu, ini sya’eh ana cikuy. s’utux lungan naha ku kwara payat sswe mlikuy hani lga, trahu naha ci kwara utux alang. yaba yaya naha ga ana beta bnkis ru beta wa mho’in kwara sa’ing bnkis hani ga, waya si p’es lungan naha mita nku kwara la’i nya payat sswe mlikuy hani ga s’utux ci lungan naha ru sble calay kwara naha.

104 年全國語文競賽原住民族語朗讀【宜蘭澤敖利泰雅語】 國小學生組 編號 3 號
四兄弟

部落裡有四兄弟,大哥做事非常的勤勞,不會隨便亂花錢。家中及田裡的所有事情他都會做,父母非常依靠他,因為所有要吃的稻米、蔬菜、豬隻和雞,都是從第一個長兄所供應得來的。

二哥很會唸書,任何時候他都在看書,他從書中得到很多的知識,父母親出外到哪裡都會帶著他,只要有二哥在身邊,什麼事都不用擔心。

三哥很會蓋房子,部落裡人要蓋房子都會來找他。不管是鋼筋水泥房、鐵皮屋及木屋等都能建造。父母親的房子就是三哥所建造的。

老么很會烹飪,不論是山產或田裡的蔬菜,他都煮得非常好吃,只要父母想吃什麼,他都可以煮給他們吃。

四兄弟很少吵架,彼此之間也沒什麼隔閡,只要他們同心合意做事情,就會得到部落族人的稱讚。父母親直到過世時,都帶著一份喜悅的心,因為他們的孩子能夠團結一條心,和睦地相處。

文章資訊
文章年度104
文章編號3
文章組別國小
文章語別宜蘭澤敖利泰雅語
族語標題payat sswe mlikuy
漢語標題四兄弟
文章作者林約道Yuhaw Piho
漢語摘要