105 年全國語文競賽原住民族語朗讀【德路固語】 國小學生組 編號 3 號
Ita seejiq tnpusu Taywan

Gaga ta nniqan Taywan hini sayang ga niqan bi hangan na babaw dxgal, klaun bi seejiq deseisil klwaan kana ka Taywan hini, yasa gaga kska bi paru gsilung ka hiya. Niqan egu(lala) dgiyaq, niqan egu(lala) qsiya ayug ni yayung, niqan egu(lala) bi klgan seejiq uri, gaga mniq Taywan hini. Kiya ni bqanan dha kingal “ Furmosa ” ka hangan na.

Taywan sayang ga niqan egu(lala) klgan seejiq, niqan ksun Klmukan,  Khilang ni Tlu uri, ita tnpusu Taywan o ksun ta dha “ Yencumincu ”. Sbiyaw han o wana mngari klgan ka seejiq tnpusu Taywan, maka bukuy do mlutuc(t) mhiyug ka hangan empitu klgan seejiq tnpusu Taywan duri. Saw ka Itasaw, Kavalan, Truku ni Sakizaya, dhuq hngkawas empusal kbkuy maspac(2008) do wada ta qulung mhiyug ka hangan ta Seejiq Balay uri da. Hici bi pnhyugan o kiya ka Kanakanav ni saaruwa dha klgan seejiq tnpusu Taywan, sayang do wada mrana dhuq maxal mataru klgan ka seejiq tnpusu Taywan da. 

Tnpusu seejiq Taywan ga niqan ka gaga mniq kska ni ssiyaw gsilung, mkan nanaq(k) mnhru ni mndakil kska gsilung ka dhiya. Saw ka Amis, Yami(Tau), duma Paiwan ni Truku sayang. Niqan ka gaga mniq alang dgiyaq(daya) uri, saw ka Tayal, SaiSiyat, Thao, Tsou, Bunun, Rukai, Seejiq, Paiwan ni Truku. Niqan ka gaga mrimax seejiq Klmukan ni Khilang uri da. Saw ka Puyuma, Kavalan, Sakizaya ni duma Amis, sayang do wada hbaraw bi ka thjil alang brnux paru uri da. Saw nii ka nniqan ta ita seejiq tnpusu Taywan sayang.

Ita seejiq tnpusu Taywan sayang, niqan bi ririh na ka gygaya kngkingal klgan seejiq ksun. Kiya ni mklawa tnan baraw ga bqanan na kingal jiyax “ smiyan ” ka kngkingal klgan seejiq, pusu na o iyux pkla lqlaqi hici ni pkla pnaah eseisil alang seejiq quri saw endaan ni knkla rdrudan sbiyaw. Smiyan ta Seejiq o ga jiyax mtrul kingal(31) idas maxal dha(12) kngkingal hngkawas, jiyax nii mtduwa msangay kana ka dSeejiq, musa teumal mtmay mqaras euda dSeejiq alang. Uxay kiya o musa alang na nanaq, qmita tama rudan ni bubu ruda, smiling quri gygaya ta Seejiq.

Sayang musa sapah pyasan o tduwa ta smluhay kari ta nanaq uri, malu bi qbhangan ka hnici hnang kari rdrudan sbiyaw. Tduwa ta paah hini mkla endaan rdrudan sbiyaw, tduwa ta paah hini smluhay knkla rdrudan sbiyaw. Qrasun bi niqan emptgsa tmgsa tnan matas patas, meuyas uyas ni rmgrig grig rudan sbiyaw, ensuwil pkla quri euda laqi dqrijl “ tminun, ” ensuwil pkla quri euda dsnaw “ pusa gasil, dmangaw ” dnii…. Paah hini wada egu(lala) bi ka klaun ta gygaya rdrudan sbiyaw, qrasun bi “ Tnpusu ta Taywan ka ita, Seejiq ta balay ka ita. ”

105 年全國語文競賽原住民族語朗讀【德路固語】 國小學生組 編號 3 號
我們台灣原住民

我們現在住的台灣啊很有名氣,全球人幾乎都知道,因為它位居大海的中央,有很多山脈、有充沛的溪水與河水,還有許多族群都住在這兒。於是另有一種稱呼,就是「福爾摩沙」。

而「原住民族」就是最先住這兒的民族,過去本來只有九個族群住在台灣。然而之後陸續有七個族群被正名起來,譬如,邵族、噶瑪蘭族、太魯閣族、撒奇萊雅族,直到六年前,我們也終於被正名了。最後被正名的是卡那卡那富族與拉阿魯哇族,現在台灣的族群已經增加到十六族了。

我們台灣原住民有的住在海邊,他們吃海裡長出來的植物和在海中成長的生物,譬如,阿美族、雅美族和部分排灣族與現在的太魯閣族。有的住在山上的部落,譬如,泰雅族、賽夏族、邵族、鄒族、布農族、魯凱族、賽德克族、多數排灣族與太魯閣族。也有的幾乎與漢族混居了,譬如卑南族、噶瑪蘭族與撒奇萊雅族與部分阿美族,事實上,現今也有很多族人已遷徙到都會區了。這是台灣原住民分布地的狀況。

我們現在的原住民,都各有代表性的族群文化。因此上級管理者都給各族群訂定一天為「族群日」,旨在讓後代子孫或是來自其他地方的人,了解我們祖先的歷史與文化。我們賽德克族群的節日是每年的1231日,這一天所有的賽德克族人都可以放假,帶著愉悅的心情去參加族群日。或者回到自己的部落去探望祖父母,並詢問有關自己的文化。

現在去學校可以學習自己的語言,祖先流傳下來的聲音很好聽。我可以從這裡了解祖先的歷史,我可以從這裡學習祖先的智慧。很高興有老師指導我們寫字、唱跳傳統舞蹈,有時候介紹女性的生活技能「織布」,有時候介紹男性的生活技能「狩獵」,從這裡著實學到很多祖先優質的傳統文化,我真是高興我是台灣原住民族、我是賽德克族。

文章資訊
文章年度105
文章編號3
文章組別國小
文章語別德路固語
族語標題Ita seejiq tnpusu Taywan
漢語標題我們台灣原住民
文章作者詹素娥 Lituk Teymu
漢語摘要