107 年全國語文競賽原住民族語朗讀【噶嗎蘭語】 國中學生組 編號 2 號
zumbi tu sekingan

mipil ita tu sanu na masang ay lazat, ta sudaddan yau puniRan na belawan ay leppaw, mipil ita tu masang ay lazat semani, tasudadan mai tu kitut qenasukawan na tu nengi ay lazat, wanayka ta sudadan ku, wanma mai tu nianiana Rayngu tuqazan ay leppaw.

tuRantuRabi ti, mai ti tu sunsuni na lazat, qitun, ngid ti ku qaqenut, mai iku tumqez meliayam tu qaninanan ay pasi qazukat sumking, mai nengi anem ku, uumanan ku sinanam tu naqunian ta qawka mai qakalingn, yau pa ta uRuan mai pa makalingun, temuzus tu tangi qawqawman azu supaR ti azu melisaw, azu yau patudan ta kinilan ku temud tu naqunian ta seRai naqunian ta qasianem.

pisapat ti nisikawman ku mai ti tu sasanu, uu maken mai ku mesanem, ussa pataqsian ay lazat aiku? muwaza ni sudadan ku tu nitudan na patudan, padames niz pasazi anem ku uumanan ku sinanam, sasabidang ay sasudadan sudad, temuzus tu tangi qawqawman meRayngi, kingngan ku ti ta kinilan, ta kinilan ku yau nengi ay sudad temud tu naqunian ta sabidang meqasiR, niz ti mai tu nianiana ay mai tu mengid ay tepuluk.

zumbi tu sasekingan qawqawman mengasan mai temuqaz, wanma tangi qawka suppaRan ku deddan, duki qaninanan seRai mai melana timaisuan dadadas ay anem.

metenes ti iku sabibidang meliliyan pilay ti anem ku, mai ti iku tu anem tu padamesan temaqsi, qapilayan ti ku neid ti iku qaynep, ngid ti qizem mata ku Rayngu ti seRatan, “muRenges” zin na anem ku, simmeng tu qawRatan sasaqayan zin ku meqayla timaikuan, ngid ti seking qawka temita tu suddad, mengasan ti, makalingung ti nitudan na patudan, malisimpu ti muwaza ti saliyaman, azu pitemawaRan ku meliliam sasabidang, yau meRayngu ay qalamaz pasanu tu patudan, qalamaz ti suppaR, aiku Rayngu kasianem ay, mai ngid sazemaken tu qenalisaw ku seRai siqaqatani temud patudan qawka iku mesuppaR, Raya anem ku muRenges zin ku.

tangi, suppaRan ku ti tu melisaw iku, mengasan ti, pasuwasang anem ku, deddan seRai duki qawqawman pasa ngayaw semaqay mai tumqez melana mezuzus, kasianem iku tangi wantima padamesan ku tu sekingan, mai tiRitiR ni sinanaman, mai pa makalingun niliyaman, situqaw iku semanu tu tama tina na deddan, pasimunang iku paluppun tu sekinan zau!

107 年全國語文競賽原住民族語朗讀【噶嗎蘭語】 國中學生組 編號 2 號
準備考試

古人說,書中自有裝滿黃金的房屋、書中自有完美無缺的佳人;在我的書裡,卻只有攻不下的城堡。

夜深人靜,我不斷背著書中可能會考的重點,反覆練習題目解法,難道是努力不夠?儘管花了時間死背活背,應該要被牢牢記住的,至今仍在虛無飄渺間逍遙。儘管費盡苦心做了筆記,應該要被解答的習題,至今依舊擱在那裡。讀書進度緩慢,這時才會覺得時間的寶貴與無情。

精神與毅力隨時間流逝而消退,睡意悄悄佔領我的眼皮,只怪自己平日貪玩,不懂得累積實力與經驗,不願面對自己能力的不足與疏漏。

而現在,就是悔恨也對現況沒有幫助,我所能做的,就是盡可能地彌補,和乞求上天讓我考試順利!

文章資訊
文章年度107
文章編號2
文章組別國中
文章語別噶嗎蘭語
族語標題zumbi tu sekingan
漢語標題準備考試
文章作者潘秀蘭
漢語摘要