107 年全國語文競賽原住民族語朗讀【郡群布農語】 國小學生組 編號 1 號
Dihanin

Uka bunun hai-iap tu pan-isa dihanin kaihuhuan, mais ni tu luuman hai, masanglav tastu dihanin, uka paskaupan. Maszang lum mas vilisun sia dihanin tu ulus, vaivivaivi ni tu mamaszang, aiza maduhlas, aiza madanghas, aiza madiav, aiza matahdung. Maszang nai-ia mas aizan bantas tu isia dihanin tunlushulushu mudandan. Maszang lum mas lumah tu tatavi, mahtu mapaia mas mabahis tu vali, at nin kata maklang.

Idadaza buan sia dihanin, tahu mamita tu punpin imita inihumisan, mintanan buan masinghal, mintanan paian mas vali anis lum. Haitu ni sai-ia mimis-u santaishang mamita, tahu tu pintu buan laupaku.

Aizang idadaza sia dihanin cinsinghalsinghal tu bintuhan, ukang bunun mahtu masipul tu piabin bintuhan. Mais istus-a hai, uka nai-ia saduan, mais isdumdum hai, mun-apav nai-ia pipitpit.

Malsivung nai-ia sia dihanin, ni nai-ia maszang tapushuan tu taulushulushu. Haitu ni nai-ia mahanimulmul, aupa supah mandidingalan tu uskunan. Aiza masinghal saduan, aiza makani tu masinghal, aiza saduan tu cishucishu, haitu tuskunun amin nai-ia tupa tu bintuhan.

Mais hinudanan hai, san-apav hanivalval, mapataspatas manau-uaz saduan, haitu kaz maitau tu patas mathas saduan, aiza madanghas, aiza madiav, aiza masanglav, isaicia patas saduan hai maszang mas matauntaun tu atal, maszang mas namahtu kata makadadaza sia hanivalval kusia dihanin.

107 年全國語文競賽原住民族語朗讀【郡群布農語】 國小學生組 編號 1 號
天空

沒人知道天有多大。天晴時一片碧綠,沒有邊界。

有各式各樣的雲,有白色、紅色、黃色、黑色。雲彩酷似家的屋頂,為我們遮太陽,讓我們不被太陽曬熱。

月亮有幾種月形,有圓的、橢圓的、上弦月、下弦月。偶爾被擋住,我們看不見。有時月亮很亮,有時黯淡。月亮從不停止地照耀。

天上有閃閃發光的星星,未曾有人數清到底有幾顆。星星在天上綻放光明,天亮就看不見星星。星星不像螢火蟲可以飛來飛去,但他們有許多鄰居,有的看起來很亮,有的看起來不明亮,有的看起來要熄滅又不熄滅。

雨後會出現彩虹。彩虹有很多的色彩,只有三種色彩比較清晰呈現,有紅色、黃色、青色。色彩彎曲成橋的形狀,好像可以搭橋到天上去。

文章資訊
文章年度107
文章編號1
文章組別國小
文章語別郡群布農語
族語標題Dihanin
漢語標題天空
文章作者顏明仁
漢語摘要