107 年全國語文競賽原住民族語朗讀【撒奇萊雅語】 國中學生組 編號 3 號
baliyus

ayza a lalud, i taywan kacalilawan sa, kinapina tahekal ku baliyus. mazateng hen baliyusan a labi, milimek kaku i labu nu pada, i hekal nu sasingalan matengil ku kalungkung sananay a suni, malecad tu malepacaway pasayni i luma’ niyam. matengil aku ku kumalebekay nu kilang a suni, mila’desay a suni nu bali, u suni nu nikahetik nu tabakiyay a udad, mazateng tu pabaliw tu tunika izaw ku ciung, hakya simapatayay tu,ahican cayka bilbil. u nika tengilan u belaway aca cudadan maenep tu nu nanum sa, izaw ku malebekay a kilang, mazateng aku i naciung micapi ititaan, tumi’an cayka tayni i kitaan.

u nipawtaw nu tilibi pihaceng ku ciung nu icuwacuwaay sa, u sinbungkisiy madimel tu kawaw, anu amabahibahil nu bali sa, misaicelang tu muzikec tu mayku caay piales, u dimel nu heni sakay kawaw sakaseneng sa katuud ku malukay hani kangelu’han paluma i umah, pacpacenhen nu baliyus. ayam, taduk maenep nu nipatayni nu baliyus a nanum mapatay amin, pihaceng ku sipun nu malukay. mahiniyay katalawan sa nu tademaw kinalabi, patinaku kaku u tademaw anu i cuwacuwaay madacep tu nu bades, pakasa’timay i takuwan tu izaay ayza, paheneken kina tinaku paluayawen tu ku sakebkeb.

bahal, masatezep ku tilibi, mabiyalaw amin ku balucu’ nu i luma’ay. kilul sa masatezep ku dingki, mahamin kina itiniyay malabu nu pacitan! tada pazatengay tu tademaw kuni a labi.

i putah nayi’ tu ku tekiteki’, miliyas tu ku baliyus. buhaten aku ku sasingalan, ya adidingay a bali beliw sa muiyup tu pising aku, katuud kya namilimekay i kilakilangan a ayam tahekal mubahel muwiwi! nazikuzan nu baliyus, natingalaway a balad, ayzasa maibuk tu nu lanu’ a nanum, i lilis nu sa’wac yadah ku tahekal a tatuni’ atu ciid nu kilang. u taywan yadah ku baliyus, yadah ku ninel a kakitizaan, a kasa’timen ita ku lala’,sadimelen ku lala’, kya acay tu kayadah ku ciung atu nipalawpes.

ipabaway a di’tu amin, mudadiw kami tu nikanamuhan namu a daiw, adasay paaninen kami tu mulcekay nu niupasepi, i mahiniay a demiad, mahinitu caay kalawpes ku limulak ku sepi ku kapah. napasepian kina tademaw nu luma’ amin, zakepen tu ku kapah atu limulak ku nikauzip.

 

107 年全國語文競賽原住民族語朗讀【撒奇萊雅語】 國中學生組 編號 3 號
颱風

颱風夜,聽著窗外的聲音,像是一場戰爭。樹木倒下、狂風吹拂、大雨滴落的聲音,可能會出現災情、喪失生命,不禁感到恐懼。各地災情慘重,記者們就算快被吹走,仍為觀眾播報新聞。

農民辛苦栽種的農作物,被颱風摧毀。雞、鴨也被大水淹死,損失慘重。令人心驚的夜晚,也讓我更加體會防災的重要。

突然,電視斷訊,全家人感到憂心不安。接著斷電,使整個地區陷入黑暗。

颱風遠離,外面安靜了下來。打開窗戶,微微的風吹向臉,躲在樹林裡的小鳥飛出來歡呼!颱風過後,清澈的溪水已變混濁,溪邊也出現垃圾與樹枝。

台灣是一個颱風多、地震多的地區,我們應該更珍惜並保護土地,才不會發生更多的災害和損失。

天上的諸神,我們唱著祢們喜歡的祭歌,希望在這樣的日子裡,永遠幸福平安,擁有快樂。

文章資訊
文章年度107
文章編號3
文章組別國中
文章語別撒奇萊雅語
族語標題baliyus
漢語標題颱風
文章作者督固撒耘,黃金文
漢語摘要