105 年全國語文競賽原住民族語朗讀【撒奇萊雅語】 國小學生組 編號 3 號
tayza midang i luma’ nu bayi

i cacayay a mihcaan tu lalud tuyza a labi, maladay tu wina atu sabana mikacaw tu kazizeng nu sinaamaan tayza i luma’ nu bayi midang. i zazan henay, pacitan ku tapuku yadah ku sabelabelat sananay adidi’ay a bunac, izaw aca ku tabakiyay a bulad macait i tapuku, tusa a tatukiyan paculil, sazikuzay katukuh satu kami i luma’ nu bayi. manamuh ku baki atu bayi tahkal militemuh i tamiyan, sinipahabay kuheni cacay takuliway a wacu, i tepal salangiwngiw sa ku kikul. mahiza manamuh tamiyan kya wacu.

tabaki salungan ku luma’ ni bayi, ladayen niza kami tayza i kakabi’an pahanhan, usakasa mangelu’ kami, kyu mamin mialulup, misulac tu ngipen, mawakang i kakabi’an, kalamkam makemet. sakatusa a demiad, mamin namalanam kami, tupinen nu sinaamaan kami tayza makabatikal, i zazan makazih tu yadahay siheciay a kilang, izaw ku nasi, lupas, paza’ atu budu, namahiza katukuh kami i papasiziyan, alan niyam kya bilulung pakan tya sizi, uyniyan u sakinacacay aku u bilulung

ku sapakan tu sizi, yu mukan ku sizi tu adidem malaalaw, ancaay sa mubahbah tu taw, cay pisengal muawaw. itiza kami mukan tu yadahay a lahuk. makabatikal aca kami taluma’ nibayi.

inayi’ kulawad nibaki aci bayi musilud tu nipalumaan tu lami’, makazih tamiyan taluma’, manamuh caytu pahanhan mukawih tu lima. mamin malabi i luma’ nibayi sa, amumultu kami haniyam ci bayi aci baki namahiza, nayi’ ku pangadahan niyam miliyas a mikacaw tu kazizeng nu siniamaan ataluma’. i sakataluma’ a zazan, makemet kaku, i nisepi, caay kaputun ku sepi aku tya misatamatamaay a sizi atu hekal nina niyazu’!

105 年全國語文競賽原住民族語朗讀【撒奇萊雅語】 國小學生組 編號 3 號
去外婆家玩

有年夏天的夜裡,我和妹妹、媽媽一起坐舅舅的車子去外婆家玩。一路上,漆黑的天空裡有許多閃閃發亮的小星星,還有圓圓的大月亮掛在天空上,兩個多小時後,終於到了外婆家。外公、外婆出來迎接我們,一條黃色大狗,也在一旁搖著尾巴,好像非常喜歡我們!

外婆的房子很大、很漂亮,因為很累,洗完臉、刷完牙,躺在床上,很快就睡著了。第二天早上,吃完早餐,舅舅載我們去騎腳踏車,一路上看見了許多果樹,有水梨、桃子、香蕉和葡萄。我們騎到了一個養羊的地方,拿桑葉餵羊,羊會互相搶奪桑葉,把對方趕走,發出咩咩的叫聲。我們吃了豐盛的午餐,便騎腳踏車回外婆家。

外公、外婆忙著整理菜,看到我們回來,不斷對我們揮手。吃了晚餐,向外公、外婆道別回家。回家的路上,在夢中,不斷夢見那些羊和鄉村美麗的風景呢!

文章資訊
文章年度105
文章編號3
文章組別國小
文章語別撒奇萊雅語
族語標題tayza midang i luma’ nu bayi
漢語標題去外婆家玩
文章作者奴娃旦歐.辜木的(黃金文)
漢語摘要