106 年全國語文競賽原住民族語朗讀【拉阿魯哇語】 國小學生組 編號 1 號
hliarakicacana hlicaliva umalilʉpʉngʉ

ting tungu! ting tungu! umanicua vahliungu, pakiaturua alialʉpʉngana, miungucu mataingalʉ asasangaraku pasamia, kuparapihli tumua alialʉpʉngana, ihlaisa ihlakuka makacanicu rumiaka arakicacana hlicaliva.

maruaru miararuma, vilanganʉa salia ku, aariaari maivʉvʉrʉnga, tamu’unamalilikihli ihlaku nua hlimilavaʉ musa ariatʉkʉrana, umalilʉpʉngʉ takacichli musasala puailisalia mauasasalana miacalivi ucani umana hlilʉmʉka masukiu’u, marunana kumakitakia hlaparangʉ’isisi makiu’u masasangarʉ umumu masu’u marumatumuhlumʉmʉa tarʉtatʉatʉkʉhlʉ ahlamʉmamaini umanimipipihlihli arupakakari mataingalʉ mavacangʉia inatapuhlacʉngʉ hlitaruihla lamuruisa marunhlilʉmʉka masukiu’u kusasa’auaanʉ kitasapi sa tamuucu acalaiaʉ.

maci muasa mahlukua miararuma vilanganʉa, tumua miacalivi tukusu “su’aci” ucani iasana siuamia sala’a, lika’a ia sakʉrahlʉ taungala. micalivi sakʉrahlʉtaungala tammarumukuaku umaruramucu ʉmʉmʉcʉ sahlumuhluhlungu matahlʉkʉtʉkʉka sahlumu paravacangʉtikiku marumukua kua hlimilavaʉ marupatʉkʉ hluhlungu marisʉmʉtʉ vatu’u mavacangʉ a mihlakana’ana kani’ivatu’una hlipiracaucauisa langica pahlivinga apahla paku nua hlimilavaʉ marunpatʉkʉ hluhlungu pahlusahli tumatuturua tamu’una ihlahlamu piataisamʉmʉa sahlumuna pahlʉlʉsʉ ihlahlamu karʉ kʉhlʉa tamu’una kiahlahlamu karʉkʉhlʉkia pahlusasahli mataingalicu’ai mavacangʉa hlipahlusahliu sahlumuna. karʉkʉhlʉaku nua hlimilavaʉ kiʉlʉsʉ tam’uuna musa mahlukua vuvulunga, tumuruturu tamu’una ihlahlamu pautuhlangi hlatʉngʉ, hla rumaringai ahla, marukalahlapa kiu’u tumimahla tamu’una kisuahlahlama kiariari, ahla pahluasahli.

macuisaku tammarumuku nua hlimilavaʉ maciumalilʉpʉngʉ mahliumia puaili saliana macuisaku tammarumuku miararumaku aariaari maruka va ru’u pakaritʉkʉhlaʉ ta’iara upapalu ihlaku ahlukuaʉ pautukarahla ausihli kihlahlamu tamu’una vuvulungaia ariatʉkʉrana miararumaia paranatumu ruturu.

106 年全國語文競賽原住民族語朗讀【拉阿魯哇語】 國小學生組 編號 1 號
放學後的驚奇之旅

放學鐘聲響起,又到我最興奮的時間,我的驚奇旅程就要展開。

我住在美蘭部落,每天早上爺爺會開車載我和弟弟去學校;放學就自己走路回家。路上經過一大片果園,看見松鼠在樹上吃著果實,也會有各種小鳥飛舞,最精采的是,猴子媽媽背著小猴子,穿梭在果園享受美食,真的很可愛。

如果要到美蘭部落,要經過「索阿紀」吊橋,那是唯一的聯絡道路,下面就是荖濃溪。

經過荖濃溪時,用手摸溪水,冰涼的溪水讓我心情更好,弟弟喜歡撿溪邊的石頭,他說石頭是上天的禮物。有時我和弟弟會在溪邊唱著爺爺教的古調,溪水也一起大聲唱,爺爺說要常常唱,就會比溪水唱得好聽。我和弟弟也常常和爺爺去到山上,爺爺教我們認識野菜和製作陷阱,或著在樹蔭底下聽爺爺說著以前的傳說或唱歌

我很喜歡放學後的旅程,也喜歡我的部落,每天都有新奇的事物,就像爺爺說的:森林就是學校,部落就是教室。

文章資訊
文章年度106
文章編號1
文章組別國小
文章語別拉阿魯哇語
族語標題hliarakicacana hlicaliva umalilʉpʉngʉ
漢語標題放學後的驚奇之旅
文章作者游仁貴
漢語摘要