104 年全國語文競賽原住民族語朗讀【拉阿魯哇語】 國中學生組 編號 3 號
turukuka nuka takaukau

kisuhlahlamaku ahlama turukuka nuka takaukau, maruami ucani aari, musalamika inaturukuka, mahlava lamuruisa, mahlukualiliunga musasasala, taratʉahlʉamika inaturukukan, takaukauka hlimutungusu kiu’u, mariakukucu maivacavacangʉ tikuruisa, muuiliami takkauka, mavacangʉka tapaaʉ tikuruisa, hlahliumihlu ami ihlumalipilipi, sapakuvauamika inaturukuka, takaukau tamuucu masalangʉsangʉ, amiamisana, umalivalʉka takaukau, ngasakahlipuvacangau ihlaku, puavacangʉaku tapaʉtikuruna,hla ihlu’u malipilipina amiamisana, umalivalʉka takaukau, mavacangʉmʉ mʉa tikurumuna amiami, amihlaka inaturukuka, taininiau mavacangiku, maciumihlu ihlu’una amiami, tuahliu’aimau pauhlisana ihlaku utulu aari, apuailiku’ai amiamika, ina turukukan takaukau, hlimini’aihla tumuakia, pakiaturuhlipimia apuailia arina amiamika takaukau, maimacuka takaukau pauhlisana, kisutʉtʉrʉn ina turukuka, nani’aimata tarungahlangahla, maci siiautulu aariamiami, umalaihluisa uvura ina turukuka, aunanacuka sasua maruahlʉ, masasangarʉka ina turukuka, umihluihlu’u musa puaili salia upapucucisaka laʉlaʉvʉisa.

tamuucu masalangʉsangʉmii, miaungucuka hliapatamiaisa ari, takuliacicuka tʉkʉisa, manaicu apuailisana, pacʉpʉcʉpʉngʉami sitahlamiamiaisa, miungu cukaarisa, pasakulai umuhlunu lamuruisa maruvahlita, tapitipitikuapʉ ukikirimi, marasaicuka takaukau apapalu, mʉcʉkʉhlʉ mucumuku, salia turukuka, umarucarucakʉka takaukau, itiarau kuacʉkʉhlʉ apuailiihlu’uku, umalivalʉka inaturukuka, saihlua lamurukuna kiira, mau kanaa’a uakikirimisana, amihlaka takaukau kikirimu’ai, ruangahlakumatata, aravacangʉka tʉkʉina turukuka.

miungucu matata, makihluhlucua ina turukukana, laʉlaʉvʉisa taukikikirimi, mʉcʉkʉhlʉka takaukau umarucarucakʉ, macumu kuapuaili ihlu’ukuia, paticacanikua lamurumuna matisangʉlʉ, amiamika takaukau, angahlicuisana takaukauna, matiasasangalʉ turukukana.

104 年全國語文競賽原住民族語朗讀【拉阿魯哇語】 國中學生組 編號 3 號
雞與老鷹

我要講的故事是母雞和老鷹的祖先,有一天,母雞帶著小雞到附近去遊玩散步,母雞忽然看見樹上停了一隻老鷹,牠在梳髮整理衣服,母雞看了老鷹的衣服花紋非常漂亮,而且還掛著一條亮晶晶的項鍊,母雞很羨慕的喊著老鷹說:老鷹啊!你衣服的花紋很美麗,再加上你的項鍊更漂亮,要是能戴在我身上的話,那該有多好啊!老鷹回答說:是真的嗎?你看上哪一點呢?母雞說:尤其是你的項鍊非常的亮麗,若我掛上一定也是很美麗的,你是否能借我三天呢?老鷹說:可以啊!但是一定要遵守諾言唷!母雞說:我一定會還的。老鷹就交代母雞說那三天後就在這個地方碰面,母雞回答說:沒問題,時間約定好後老應就把項鍊交給母雞了,兩個就這樣分開,母雞很高興的戴著項鍊回家了。

其他的雞看了也很羨慕的說:你是從哪裡拿到的呢母雞說是跟老鷹借的,而且三天後就要還給牠了,大家在想這一次還了打算再跟老鷹借,不知不覺時間很快就過了,明天項鍊就要還給老鷹,母雞很難過越想越捨不得就不想還了,牠便想盡辦法如何來瞞過老鷹。到了第三天老鷹準時的到達所約定的地方,老鷹等了很久卻見不到母雞來赴約,老鷹等不及的就親自跑到母雞的家裡去了,母雞知道老鷹要是找不到牠的話,牠便會跑至家中來找牠,母雞就趕快叫很多小雞在外面廣場故意找項鍊,過不久,果然老鷹來了就說:你真是不守信用害我一直等待,母雞急著回答說:因為昨天項鍊被我的小雞拿去掛在身上結果弄不見,你看我現在叫牠們一直找,老鷹看著小雞很賣力的在找就同情的說:那好吧我明天再來但是我來的時候一定要拿到,老鷹就這樣很失望的走了,母雞暫時鬆了一口氣。

到第二天早上母雞叫了鄰居的雞來幫忙找,老鷹又來了母雞很快的迎接牠說:我們還是沒有找到,你看我還請鄰居幫忙找,老鷹很不客氣的說:你們找不到的話就繼續找吧你再不還我的話,我就要把你的小雞一隻一隻的抓走,所以老鷹會抓小雞的原因就是這樣來的。

文章資訊
文章年度104
文章編號3
文章組別國中
文章語別拉阿魯哇語
族語標題turukuka nuka takaukau
漢語標題雞與老鷹
文章作者游仁貴
漢語摘要