107 年全國語文競賽原住民族語朗讀【東排灣語】 國中學生組 編號 3 號
Pinivarung a puvuciyaran

Izua za macidilj a mavuca ana kemayzua i livay ta qanaljan, na seman tjaljikedrikedri a puvuciyaran i kasasavan ta umaq. Nu pusika izua lingaw, masiasik, puhilihiliu, maljavaljavar a pagalju katua vuciyar,matu kemeljang a vuciyar ta nanguaq a vinarungan nimadju, mavutilak tana bulay tu galiljegilj a vuciyar.

Katazuaqadaw, mangtjez a macidilj a qali a paljilji tjaymadju, masemutj ta i puvuciyaran a vuciyar timadju.

“ Kemeljang sun tuna mavutilak anga vuciyar? Maruliyaw a na vutilak lja” pakirimu a pakeljang tuna mavutilak anga vuciyar tjaymadju.

“ kemeljang a en! u sinalaput anga ljemitaita tiyamadju, u sinquan anga nguljinguljan nimadju, izua na quljimud, izua na saceqalj a nguljinguljan. ”

“Ua! na sepulingetj a saljavevuan, bulay angata lja! ” aya ta kinasivarungan a kay aza qali.

“ Masalu ta su kazala. ” aya timadju.

Aza ljaqediqedi, cemalivalivat, a mangtjengtjez apaljilji a maka qaliyaliyan… tjenglay a mapuljat ta puvuciyaran nimadju, nu pacun ta vuciyar i puvuciyaran, mamamamaw a sikazalan niamadju.

Aicu a sinitalam na mavuca, na saljinga tuna bulay i kacauan.Nu venarung timadju, ljaki ikaen a ljemengeljeng pumayan anga,nu pacun a mareka i paljingulj a caucau sa na tjenglay, na maleva, kina patjesazek anga u vinarungan. A pinitaljadj a vinarungan nimadju:aza bulay ,inikavan tu anema tja pinacunan. tjaljumaza anga kinemeneman, na masilevan sa djeli aza mavuca, ljemengljeng timadju ta pinivarung a pu vuciyaran, na venutilak tua bulaybulay a na galiljegilj a vuciyar nimadju.

107 年全國語文競賽原住民族語朗讀【東排灣語】 國中學生組 編號 3 號
心中的花園

有一位住在市郊的盲人,他在院子裡闢了一個小花園。一有空閒,就在花園裡細心的除草、施肥,輕輕的跟花兒說話,花兒似乎知道他的好意,開得好繽紛燦爛。

這天,一個朋友來看他,被園裡的花吸引住了。「花開了,你知道嗎?開了好多啊!」朋友急著把花開的消息告訴他。

「知道啊!我一朵一朵撫摸過它們,也聞到了花香,有的濃郁,有的散發出淡淡的清香。」

「哇!滿園春色,真美!」朋友由衷的說。

「謝謝你的讚賞。」他說。

左鄰右舍、過路的人、來訪的朋友……都喜歡他的花園,他們看見花園裡的花,也都發出相同的讚嘆。

盲人種下這些花,想讓世界更美麗。他想,自己看不到沒關係,只要週遭的人看了喜歡、看了高興,他就心滿意足了。他深深覺得:美,並不在我們的眼睛看到什麼。想到這裡,盲人開心的笑了,他看見自己心中的花園,開滿了燦爛的花朵。

 

文章資訊
文章年度107
文章編號3
文章組別國中
文章語別東排灣語
族語標題Pinivarung a puvuciyaran
漢語標題心中的花園
文章作者高光良
漢語摘要