106 年全國語文競賽原住民族語朗讀【南排灣語】 高中學生組 編號 3 號
pakatua kiljivak

madjulu a caucau a piangalj tua kiljivak, ljakua ki anema kaqulidan a kiljivak aya-u? tuki anema kaqulidan a patarevan tua pakata kiljivak. ita tja kinaikacauanan, anamaya pitua tja cemekemekelj pitua timaimangana kemuda itjen a papacun tua tjakiljivak. pai izua kai a mayatucu, “a kiljivak rukiqadilj. a kiljivak rupaula. nu izua kiljivak inika patalaq. nu izua kiljivak inika kizenger. nu izua kiljivak inika mikemudan. nu izua kiljivak inika kemuda tua naseminiaq. nu izua kiljivak inika saljinga tua manguaqan nimadju. nu izua kiljivak inika kirivu a penaqetelengan. nu izua kiljivak inika rukisasusu tua nakuyan nua zuma. nu izua kiljivak inika tjenglai tua nakuyakuya; mavan a kaqulidan a kakudan a katjenglayan. kemalja kiqadiljan, kemalja masaluan, kemalja mapuzangalan, kemalja mitemezenganan. a kiljivak patje palalaut.” palemek tu namakakacukacu a saluan, a puzangalan, a kiljivak, a masan tjelulj. qau a tjaljamasan paravacan tazua masan tjelulj, mavan a kiljivak. saka aicu a kaqulidan a kiljivak uri patje mamiling aya.

saka inika amin aicu, izua uta a patjara parekiljivak nua maresudju a uqaljai a vavayan, a namayatucu “ulja ken a amin a su sinisuqeljev tua su varung, saka amin aken a su qinevet. aicu a parekatjenglai namaya ta macai a pasa pupicul; a pucimed tua rengecan namaya ta i selem a pasa reminekutj.  azua parekatjenglai namaya tua sapui a mirengrengreng. a zaljum inika makaqevutj tua parekatjenglai; nuka tjemljev inika malimu. nu izua caucau a saljinga a sema paisu a kivalit ta parekatjenglai, tjara masan ngeli. pai aicu mana namasan senai tua namarkatjenglai a uqaljai katua vavayan. 

 

106 年全國語文競賽原住民族語朗讀【南排灣語】 高中學生組 編號 3 號
真愛

人很容易在口中談論愛,但是什麼是真愛呢? 不知道所謂正確的愛如何談論。在我們一生中,無論是家庭裡,或與人與人之間的關係,我們又如何看待愛。 有一個愛篇說到,「愛是堅忍的,愛是仁慈的;有愛就不嫉妒,有愛不自誇,有愛不驕傲,有愛不做鹵莽的事,有愛不自私,有愛不輕易動怒,有愛不記住別人的過錯,有愛不喜歡不義,只喜愛真理。愛能包容一切,對一切有信心,對一切有盼望,能忍受一切。愛是永恆的。」或許,信心、盼望,和愛這三樣是共同存在,而其中最重要的卻是愛,而且永遠長存的就是真實的愛。

不僅如此,也有論到男女之間的愛情,這樣說道:願你的心只向我敞開;願你的手臂只擁抱我。愛情跟死一樣堅強;忌妒跟陰間一樣可怕。愛情如爆出火燄,像烈火一樣燃燒。水不能息滅愛情,洪水也無法淹沒。若有人想用財富換取愛情,他必定招來鄙視,這就是男女之間的愛情。

 

 

文章資訊
文章年度106
文章編號3
文章組別高中
文章語別南排灣語
族語標題pakatua kiljivak
漢語標題真愛
文章作者蔡愛蓮
漢語摘要